ساراننان «مونوقالا» مارتەبەسى الىنىپ تاستالدى. وعان سەبەپ، قالا قارقىندى دامىپ جاتىر. يندۋستريالدى ايماعىندا كوپتەگەن جاڭا ءوڭدىرىس ورىندارى بوي كوتەردى، دەپ حابارلايدى «حابار-24» ارناسى.

زاۋىتتار ەكونوميكانىڭ ءار سەكتورىنا قاجەتتى ءونىم شىعارادى. سوڭعى جىلدارى ءوندىرىس كولەمى 2,5 ەسەگە ارتقان. بۇرىن تەك كەن ورىندارىنا تاۋەلدى بولعان قالانىڭ بۇگىنگى جايلى داۋرەنبەك باعداۋلەتۇلى ايتىپ بەرسىن.

ساران قالاسىنداعى رەزينا تەحنيكالىق بۇيىمدار زاۋىتى قازىر اۆتوبۋس قۇراستىرىپ جاتىر. «QazTehna» زاۋىتىنا 12 ملرد تەڭگەگە جۋىق ينۆسەتيتسيا قۇيىلعان. زاۋىت جىلىنا 1 200 قوعامدىق كولىك جاساپ شىعارادى. جاڭا جۇمىس ورىندارى اشىلدى.

بۇل زاۋىتتاردى سالىپ جاتقان ءبىزدىڭ ءوز ازاماتتارىمىز «Allur» دەگەن كومپانيا دەيدى. اللاعا شۇكىر سولاردىڭ بىزدە جاناشىرلىقپەن جۇمىس ورىندارىن اشىپ جاتقاندارىنا قۋانىشتىمىز. جۇمىس ورىندارى، زاۋىت اشىلىپ جاتىر، وقۋ ورىندارى. بالاباقشا مەن مەكتەپ ورىندارى، كوشەدە جۇرەتىن قوزعالىس تەحنيكانىڭ بارلىعى ىڭعايلى – دەيدى ساران قالاسىنىڭ تۇرعىنى مۇحاممەدقالي سالىقوۆ.

قالاعا كوشىپ كەلىپ جاتقاندار كوپ. ولارعا باسپانا قاجەت. سوندىقتان ءبىرازدان بەرى قاراۋسىز قالعان رتي اۋدانى قايتا جاڭعىرتىلىپ جاتىر. بۇگىندە 2 كوپقاباتتى ۇيگە تۇرعىندار قونىستاندى. تاعى ەكەۋى جاقىندا پايدالانۋعا بەرىلەدى. 20 ءۇي قايتا سالىنسا، ونىڭ 16-سى بيزنەس وكىلدەرىنىڭ ەسەبىنەن جوندەلەدى.

مەن ءوزىم اۆتوبۋس زاۋىتىندا جۇمىس ىستەيمىن. جاڭا زاۋىتتار كەلگەلى كوپ دۇنيە وزگەردى. رتي اۋدانى قالىپقا كەلسە، تۇرعىندار سانى دا ارتار ەدى. سەبەبى جۇمىسى دا باسپاناسى دا بولادى – دەيدى ساران قالاسىنىڭ تۇرعىنى بوريس گرەبەننيكوۆ.

جاڭا زاۋىتتار بوي كوتەرگەلى قالانىڭ ينفراقۇرىلىمى دا قالىپقا كەلتىرىلدى. وڭ وزگەرىستەردى تۇرعىندار دا بايقاعان.

ساران وتە جاقسى قالا. كوركەيىپ كەلەدى. شينا زاۋىتى جۇمىس ىستەپ جاتىر. كوشىپ كەلىپ جاتقان ادامدار كوپ سارانعا. وتە جاقسى قالا، وزىمە ۇنايدى – دەيدى ساران قالاسىنىڭ تۇرعىنى ەرسىن يمانقۇل

80 مىڭ ادام بولعان بۇرىنعى ۋاقىتتا. قازىر ەندى سوعان قاراي كەلە جاتىرمىز. زاۋىت رتي جاقتا نەشە ۇيدە قالىپقا كەلتىردى. وندا دا جۇمىستار ىستەلدى. جارىقتاندىرۋ دا بار – دەيدى ساران قالاسىنىڭ تۇرعىنى جۇمابيكە توقىشەۆا.

يندۋستريالدى ايماقتا 4 ءىرى جوبا جۇزەگە اسىپ جاتىر. ينۆەستيتسيانىڭ جالپى كولەمى 250 ملرد تەڭگەگە جۋىق. جۇمىستى باستاپ كەتكەن زاۋىتتاردا 1300 ادام ەڭبەك ەتىپ جاتىر. ولاردىڭ قالادا جانە شەتەلدە ءبىلىمىن جەتىلدىرۋگە مۇمكىندىگى بار.

Abai.kz