پرەمەر-مينيسترءدىڭ ورىنباسارى – قارجى ءمينيسترى ەرۇلان جاماۋباەۆ ەلدەن زاڭسىز شىعارىلعان اكتيۆتەردى قايتارۋ بارىسى تۋرالى «قازاقستان» تەلەارناسىنا بەرگەن سۇحباتىندا بايانداپ بەردى.

ەرۇلان جاماۋباەۆتىڭ ايتۋىنشا، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭنىڭ جالپى ەل ءۇشىن، قازاقستاننىڭ بولاشاعى ءۇشىن ماڭىزى وتە زور. سەبەبى بۇل زاڭ ادىلەتتىلىكتى ورناتۋ، حالىقتىڭ ءال-اۋقاتىن جاقسارتۋ جانە ەلىمىزدى جاڭا دامۋ دەڭگەيىنە شىعارۋ تۇرعىسىنان قابىلدانعان.

«زاڭ پرەزيدەنتتىڭ تىكەلەي باستامالىعىمەن پارلامەنتتە قابىلدانىپ، كۇشىنە ەندءى. ءتيىستى كوميسسيا قۇرىلدى. قازىر قاربالاس جۇمىس جاسالىپ جاتىر. زاڭنىڭ نەگىزگى تۇجىرىمداماسىنا كەلەتىن بولساق، بۇل زاڭسىز يەمدەلىنگەن اكتيۆتەردى، ەگەر سول زاڭمەن دالەلدەنگەن بولسا، سولاردى ەلگە قايتارۋ. ياعني– ادىلەتتىكتى ورناتۋ. وسى باعىتتا ۇلكەن جۇمىستار اتقارىلىپ جاتىر», – دەدى پرەمەر-ءمينيستردىڭ ورىنباسارى.

سونداي-اق ۆيتسە-پرەمەر زاڭسىز اكتيۆتەردى مەملەكەتكە قايتارۋ جولدارىنا دا توقتالدى.اتاپ ايتقاندا، زاڭسىز اكتيۆتەردى ەرىكتى جانە ءماجبۇرلى تۇردە قايتارۋ جولدارى قاراستىرىلعان.

«ازاماتتار كەلىپ، ءوزىنىڭ اكتيۆتەرىن كورسەتىپ، ەرىكتى تۇردە كەلىسىم-شارتقا قول قويىپ، مەملەكەتتىڭ مەنشىگىنە قايتارۋىنا مۇمكىندىگى بار. بۇل جەردە ەشقانداي دا ماجبۇرلەۋ جوق. ماجبۇرلەۋ دەگەنىمىز ول سوتتىڭ شەشىمىمەن بار زاڭسىز يەمدەلىنگەن اكتيۆتەردى مەملەكەتكە قايتاراتىن بولامىز. بۇل جەردە نەگىزگى تۇسىنەتىن ماسەلە, زاڭ – ول قانداي دا ءبىر كۇش كورسەتۋ، قىسىم كورسەتۋ قۇرالى ەمەس، زاڭ – ادىلەتتىكتى ورناتۋ قۇرالى، الەۋمەتتىك ادىلەتتىكتى ورناتۋ قۇرالى. بۇل زاڭنىڭ نەگىزگى ءپرينتسيپى، قاعيداتى», – دەپ تۇيىندەدى ءسوزىن ەرۇلان جاماۋباەۆ.

Abai.kz