ەكس-دەپۋتات: پرەزيدەنتتەن قۇداي جاساعاندى قويۋ كەرەك!
![](https://abai.kz/content/uploads/2023/12/kupup.jpg)
قازىر قازاق ساياسي ساحناسىندا وزىندىك پىكىرءى جوق جاندار جان-دارمەندىكپەن دەپۋتات بولۋ ءۇشىن بارىن سالادى. بىراق ولاردىڭ نە دەپۋتات، نە قاراپايىم ادام، الدە كىم ەكەنىن الاش بالاسى بىلە بەرمەيدى.
تەلارنالار پارلامەنت وتىرىسىنان جاڭالىقتار بەرگەن شاقتا قالعىپ-مۇلگۋشىلەردى كوز شالادى. ءارى ولاردىڭ كىم ەكەنىنە نازار اۋدارىپ جاتپايمىز.
كەزىندە اقوردا توسىندە ويناقتاپ، پارلامەنت دەپۋتاتى توسبەلگىسىن وڭىرىندە جارقىراتقان ەكس-تەر جەتىپ ارتىلادى. ونىڭ دەپۋتات بولعانىن بىلەمىز دە، سول دەپۋتات بولعان شاقتا نە ىستەپ، نە قويعانىن ەسكە تۇسىرە الماي جاتاتىنىمىز دا جاسىرىن ەمەس.
وسى جايلى ەكس-دەپۋتات، «اق جول» فراكتسياسى اپپاراتىنىڭ جەتەكشىسى بەرىك دۇيسەمبينوۆتىڭ جۋرناليست نۇرگەلدى ابدىعاني جۇرگىزگەن «سارسەنبىدەگى ساۋالداعى» پودكاستىندا ايتقان پىكىرلەرى كوپشىلىككە وي سالارلىق.
«پرەزيدەنتتەردەن قۇداي جاساعاندى قويۋ كەرەك! ول بىزگە قىزمەت ەتەتىن اقىلدى ادام. جيىرما ميلليوننىڭ ىشىنەن ۇزدىك بوپ شىققان ءبىر جاقسى ادام بىزگە قىزمەت ەتۋى كەرەك. 7 جىل ما؟ جاقسى، كەلىستىك، جەتى جىل قىزمەت ەت. سونان سوڭ باسقاسى اۋىسسىن...
پرەزيدەنتتەر اۋىسا بەرسىن، ال ەلدىڭ مۇددەسى، ەلدىڭ جاعدايىن جاساۋ باعىتى اۋىسپاسىن! ءبىر پرەزيدەنتتىڭ بيلىگىن جيىرما جىلعا جالعاي بەرەتىن ەشقانداي سەبەپ كورىپ تۇرعان جوقپىن!
بۇگىن اس ۇيدە وتىرىپ ايتىلعان نارسە، ەرتەڭ كوشەگە شىعادى. مۇمكىن سونداي قاتەلىك پرەزيدەنتتىڭ اينالاسىنداعى ادامداردان كەتكەن شىعار، بىراق پرەزيدەنتتەن قۇداي جاساعاندى قويۋ كەرەك!
ادام دەگەن پەندە عوي. قۇلاعىنا «سەن عۇلاماسىڭ»، دەپ قۇيا بەرسەڭ، ارينە عۇلاما بولادى.
ەلىمىزدى بۇگىنگى قيان-كەسكى، گەوساياسي الاساپىراننان امان الىپ شىققىمىز كەلسە، ءبىز بۇگىن شىندىقتى ايتۋىمىز كەرەك. ادىلدىك بولۋى كەرەك! سايلاۋداعى ادىلدىك، بيلىكتەگى ادىلدىك، سوتتىڭ ادىلدىگى بولۋى كەرەك!»، - دەيدى ەكس-دەپۋتات.
سۇحباتتىڭ تولىق نۇسقاسىن توتەندەگى سىلتەمەدەن كورىپ شىعىڭىزدار...
;t=59sAbai.kz