The New York Times جاڭا جىلدا كورۋگە بولاتىن الەمدەگى 52 ورىننىڭ ءداستۇرلى ءتىزىمىن جاريالادى. تانىمال باسىلىمنىڭ نۇسقاسى بويىنشا الماتى تىزىمدە 25 ورىندا تۇر.

رەداكتسيا جازعانداي: «الماتى ەكى ميلليون حالقى بار قازاقستاننىڭ ەڭ ءىرى قالاسى بولا تۇرا، بەيبىت، بىراق بەلسەندى شاحار اسەرىن قالدىرادى. الماتىنىڭ مادەني ورتالىق رەتىندەگى مارتەبەسى ونىڭ گاسترونوميالىق ومىرىندە ايقىن كورىنەدى. ۇن، سۋ جانە ەتكە نەگىزدەلگەن «نەو-نومادتار» اسحاناسى گيپەر-زاماناۋي ستيلدە ۇسىنىلعان; ونى AUYL نەمەسە TÖR رەستوراندارىندا كورە الاسىز. Lanzhou Noodle مەيرامحاناسى قىتاي تاعامدارىن، ال Sensilyo Coffee نەمەسە JumpinGoat كافەلەرى - كەرەمەت كوفە ۇسىنادى. كوك بازارداعى جەمىستەر مەن جاڭعاقتاردى تاماشالاڭىز، سودان كەيىن جاقىندا كەڭەستىك ءداۋىرى عيماراتىندا اشىلعان ۇلكەن ازىق-تۇلىك بازارىندا PlatformA-عا بارىڭىز».

ماقالا اۋليە ۆوزنەسەنسك سوبورىنىڭ فوتوسۋرەتىمەن بىرگە جۇرەدى.

«قازاقستان سوڭعى جىلدارى الەمدىك باق رەيتينگىنە ءجيى ىلىگىپ كەلەدى جانە New York Times تىزىمىنە ەنۋ تۋريستەردىڭ ءبىزدىڭ ەلىمىزگە دەگەن قىزىعۋشىلىعىنىڭ ارتىپ كەلە جاتقانىن انىق بىلدىرەدى»، - قر تۋريزم جانە سپورت ۆيتسە-ءمينيسترى ەرجان ەركىنباەۆ.

الماتى - بۇل رەيتينگكە ەنگەن ايماقتاعى جالعىز قالا. بۇعان دەيىن 2017 جىلى قازاقستان ەكسپو-2017 كورمەسى قارساڭىندا وسى تىزىمگە ەنگىزىلگەن بولاتىن.

فوتو: عالامتوردان

Abai.kz