بۇل تۋرالى Ulysmedia.kz حابارلادى. 

ەڭ كوپ سوما شىلدەدە جينالعان

ۇلتتىق بانك جاريالاعان ەسەپكە سۇيەنسەك، 2024 جىلدىڭ باسىندا ۇلتتىق قورداعى اقشا كولەمى 60,03 ملرد دوللاردى قۇراعان. بۇل ۇلتتىق ۆاليۋتامەن ەسەپتەگەندە 27,1 ترلن تەڭگەنى قۇرايدى.

ۇلتتىق قوردىڭ كولەمى 2023 جىلدىڭ جەلتوقسانىندا 55,7 ملرد دوللاردى قۇراعان. ياعني ءبىر جىلدىڭ ىشىندە شامامەن، قور 4,8 ملرد دوللارعا ۇلعايعان.

2023 جىلدىڭ ىشىندە ۇلتتىق قوردىڭ ەڭ كوپ تولىققان ايى – شىلدە. بۇل ايدا ۇلتتىق قوردىڭ كولەمى 60,2 ملرد تەڭگەگە ۇلعايعانىمەن، الىنعان ترانسفەرتتەر ەسەبىنەن قايتا ازايعان. ايتا كەتەيىك، 2023 جىلى قوردان بولىنگەن ترانسفەرت 4 ترلن تەڭگەنى قۇراعان ەدى.

الدا قاندا ترانسفەرت الىنادى؟

ۇلتتىق قوردان رەسپۋبليكالىق بيۋدجەتكە كەپىلدەندىرىلگەن ترانسفەرت 2024 جىلعا – 2 تريلليون تەڭگە، 2025 جىلعا – 2 تريلليون تەڭگە جانە 2026 جىلعا – 2 تريلليون تەڭگەگە بەلگىلەندى. سونداي-اق 2024 جىلى ۇلتتىق قوردان 1,6 تريلليون تەڭگە رەسپۋبليكالىق اۋقىمداعى ماڭىزدى ينفراقۇرىلىمدىق جوبالاردى قارجىلاندىرۋعا باعىتتالادى.

بيىلدان باستاپ بالالارعا

ەسكە سالا كەتەيىك، بيىلدان باستاپ قارجى مينيسترلىگى ۇلتتىق قوردان قاراجات 2024 جىلدىڭ 1 اقپانىنان باستاپ بالالارعا تولەنەدى. الدىمەن، 2024 جىلى الدىن الا ەسەپتەۋلەر بويىنشا 250 مىڭنان استام بالا ۇلتتىق قوردىڭ قاراجاتىن وقۋ اقىسىن تولەۋگە نەمەسە تۇرمىس جاعدايىن جاقسارتۋعا پايدالانا الادى.

Abai.kz