وسى ۋاقىتقا دەيىن حالىقتىق دەمكوراتيالىق پارتيا بولىپ كەلگەن «نۇر وتان» استانادا وتكەن كەزەكتەن تىس سەزىنەن سوڭ  حدپ-سىز قالدى.
«حالىق اراسىندا ءبىزدى «نۇر وتان» پارتياسى» دەپ اتايتىنى بەلگىلى. سوندىقتان، پارتيا اتاۋىنان «حالىقتىق-دەموكراتيالىق» سوزدەرىن الىپ تاستاۋ ۇسىنىلعان بولاتىن. وسىعان وراي، ساياسي كەڭەستىڭ كەڭەيتىلگەن وتىرىسىندا كەلىپ تۇسكەن ۇسىنىستاردى ەسكەرە وتىرا، سەزد قاراۋىنا «نۇر وتان» حالىقتىق-دەمواكرتيالىق پارتياسى» اتاۋىن «نۇر وتان» پارتياسى» اتاۋىنا وزگەرتۋ ۇسىنىلادى»، - دەدى پارتيا توراعاسىنىڭ ءبىرىنشى ورىنباسارى باۋىرجان بايبەك.

ايتپاقشى، وسى سەزدە  «نۇر وتاننىڭ» ساياسي كەڭەسىنەن ەسەپ كوميتەتىنىڭ توراعاسى اسلان مۋسين مەن ەكس-مينيستر باقىتجان جۇماعۇلوۆ شىعىپ قالدى... «ساياسي كەڭەستەن كەتكەن اسلان ەسبولايۇلىنىڭ وسى كەتكەنى كەتكەن»، - دەگەن ءسوز دە قۇرىلتاي جيىننىڭ قالتارىسىندا ايتىلىپ جاتتى. سول سوزدەردىڭ قايسىبىرى قۇلاعىنا جەتcە كەرەك، مۋسين  تىم ىزبارلانىپ، ءتۇسىن سىرتقا سالىپ وتىردى.

وسى ۋاقىتقا دەيىن حالىقتىق دەمكوراتيالىق پارتيا بولىپ كەلگەن «نۇر وتان» استانادا وتكەن كەزەكتەن تىس سەزىنەن سوڭ  حدپ-سىز قالدى.
«حالىق اراسىندا ءبىزدى «نۇر وتان» پارتياسى» دەپ اتايتىنى بەلگىلى. سوندىقتان، پارتيا اتاۋىنان «حالىقتىق-دەموكراتيالىق» سوزدەرىن الىپ تاستاۋ ۇسىنىلعان بولاتىن. وسىعان وراي، ساياسي كەڭەستىڭ كەڭەيتىلگەن وتىرىسىندا كەلىپ تۇسكەن ۇسىنىستاردى ەسكەرە وتىرا، سەزد قاراۋىنا «نۇر وتان» حالىقتىق-دەمواكرتيالىق پارتياسى» اتاۋىن «نۇر وتان» پارتياسى» اتاۋىنا وزگەرتۋ ۇسىنىلادى»، - دەدى پارتيا توراعاسىنىڭ ءبىرىنشى ورىنباسارى باۋىرجان بايبەك.

ايتپاقشى، وسى سەزدە  «نۇر وتاننىڭ» ساياسي كەڭەسىنەن ەسەپ كوميتەتىنىڭ توراعاسى اسلان مۋسين مەن ەكس-مينيستر باقىتجان جۇماعۇلوۆ شىعىپ قالدى... «ساياسي كەڭەستەن كەتكەن اسلان ەسبولايۇلىنىڭ وسى كەتكەنى كەتكەن»، - دەگەن ءسوز دە قۇرىلتاي جيىننىڭ قالتارىسىندا ايتىلىپ جاتتى. سول سوزدەردىڭ قايسىبىرى قۇلاعىنا جەتcە كەرەك، مۋسين  تىم ىزبارلانىپ، ءتۇسىن سىرتقا سالىپ وتىردى.
«نۇر وتان» سەزد  قارساڭىندا پارتيانىڭ دوكتريناسىن قابىلداعان بولاتىن. پارتيا توراعاسىنىڭ ءبىرىنشى ورىنباسارى باۋىرجان بايبەك مىرزانىڭ ايتۋىنا قاراعاندا، دوكترينا 60 بەتتەن 10 بەتكە دەيىن قىسقارتىلىپ، ىقشامدالىپ قايتا جازىلىپتى. بۇل ىقشامداۋدى بايبەك مىرزا: «قازىرگى جاستاردىڭ ءبارى ينتەرنەتتى پايدالانادى. ينتەرنەتتەگى قۇجاتتار قىسقا، ءارى تۇسىنۋگە وڭاي، تىلگە جەڭىل دۇنيە بولۋى كەرەك»، - دەپ ۇعىندىردى. كەيىنگى كەزدە پارتيا قاتارىنا جاستار: جاس ينتەلليگەنتسيا وكىلدەرى، سپورتشىلار، ت.ب. ءوتىپ جاتقان كورىنەدى. دەمەك، پارتيا الداعى جىلدارى ۇنەمى «جاسارىپ»، كەيىنگى تولقىنمەن كوبەيىپ وتىرماق. سوعان وراي بۇرىنعى قاساڭ پارتيا «ءتىلى» دە جۇمسارىپ جاستاردىڭ ورتاسىنا جاقىنداي تۇسپەك.
 «ءتىل» دەمەكشى، سەزد بارىسىندا ۇلت كوشباسشىسى، ەل پرەزيدەنتى، پراتيا توراعاسى نۇرسۇلتان ءابىشۇلى ورىستىلىندە سويلەيتىن تۇرعىنداردىڭ قۇقىن شەكتەمەۋ كەرەك، ولارعا تارشىلىق جاسالماۋى كەرەك دەگەن ويىن تاعى دا شەگەلەپ تۇرىپ ايتتى. بىلاي دەدى:  "مى دولجنى سوحرانيت ي رۋسسكي يازىك ۆ ناشەي سترانە كاك ودين يز شەستي ميروۆىح يازىكوۆ. ەتو پوسلۋجيت بلاگوپولۋچيۋ ناشەگو نارودا. نۋجنو سوحرانيت منوگوۆەكوۆۋيۋ درۋجبۋ، سوگلاسيە مەجدۋ ناشەي سترانوي ي سوسەديامي". وسىلاي دەپ-دەپ كەلىپ: «زنانيە كازاحسكوگو يازىكا نە تولكو ناش گراجدانسكي دولگ، نو ي پوكازاتەل ۋۆاجەنيا ك نارودۋ»، - دەدى. ياعني، «قازاق ءتىلىن ءبىلۋ - ءبىزدىڭ ازاماتتىق پارىزىمىز عانا ەمەس، ەلگە دەگەن قۇرمەت»، - دەدى. ناقتىراق ايتساق، «تىلگە دەگەن قۇرمەت  ەلگە دەگەن قۇرمەت» (ن. نازارباەۆ).
ءسويتىپ، حدپ-سىن قويعان «نۇر وتان» كەزەكتى قۇرىلتايىن اياقتادى. جان-جاقتان اعىلىپ كەلگەن پارتيا مۇشەلەرى ەلورداعا جينالىپ، ءبىرىن-ءبىرى كورىپ، ەسەن-ساۋلىق ايتىپ تاراستى.

Abai.kz