قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇيالى بايلانىس وپەراتورلارىنا ساپاسىز قىزمەتتەرىن ۇسىنعانى ءۇشىن ايىپپۇل سالدى.

مينيسترلىك 2023 جىلى ۆەدومستۆو 782 تەكسەرۋ جۇرگىزىپ، 3 ملرد 288 ملن تەڭگە كولەمىندە ايىپپۇل سالدى. بيۋدجەتكە زاڭنامادا كوزدەلگەن جەڭىلدىكتى ەسكەرە وتىرىپ، 1 ملرد 644 ملن تەڭگە تولەندى، ونىڭ ىشىندە وپەراتورلار بويىنشا:

Tele2 - 751,4 ملن تەڭگە;

Kcell - 563,2 ملن تەڭگە;

Beeline - 329,4 ملن تەڭگە تولەدى.

سونداي-اق مينيسترلىكتىڭ 2020-2022 جىلدار ارالىعىندا ساپاسىز بايلانىس ءۇشىن تەكسەرۋ جۇرگىزۋ جانە ايىپپۇل سالۋ ستاتيستيكاسىمەن تانىسۋدى ۇسىنامىز.

2020 جىلى مينيسترلىك 93 تەكسەرۋ جۇرگىزىپ، 47,8 ملن تەڭگە كولەمىندە ايىپپۇل سالدى.

2021 جىلى جۇرگىزىلگەن تەكسەرۋلەر سانى ەداۋىر ءوستى: جۇرگىزىلگەن 562 تەكسەرۋ اياسىندا جالپى سوماسى 264 ملن تەڭگەگە ايىپپۇل سالىندى.

2022 جىلى مينيسترلىك جۇرگىزگەن تەكسەرىستەر سانى ەكى ەسەگە ءوستى - 1 175, ناتيجەسىندە ۇيالى بايلانىس وپەراتورلارىنا 1,6 ملرد تەڭگە سوماسىنا ايىپپۇل سالىندى.

تەكسەرۋلەر جۇرگىزۋ جانە ايىپپۇلداردى ۇلعايتۋ وپەراتورلاردىڭ كورسەتىلەتىن قىزمەتتەردىڭ ساپاسى ءۇشىن جاۋاپكەرشىلىگىن ارتتىرۋعا مۇمكىندىك بەردى.

«ماسەلەن، 2019-2022 جىلدار ارالىعىندا ايىپپۇلدار وسكەنگە دەيىنگى كەزەڭدە وپەراتورلار ۇيعارىمداردىڭ تەك 33%-ىن ورىندادى. ايىپپۇلداردى ارتتىرۋ بويىنشا جۇمىستار جۇرگىزىلگەننەن كەيىن، 2023 جىلى وپەراتورلار نۇسقامالاردىڭ 65%-ىن ورىندادى»،-دەلىنگەن حابارلامادا.

Abai.kz