قازاقستانعا رەسەي سالىپ بەرەتىن جەو-لاردىڭ قۇنى اتالدى
كوكشەتاۋ، سەمەي جانە وسكەمەندە جىلۋ ەلەكتر ستانتسياسىن رەسەيلىك "ينتەر راو-ەكسپورت" كومپانياسى سالادى، دەپ حابارلايدى Ulysmedia.kz.
"سامۇرىق ەنەرگو" اق ديرەكتورلار كەڭەسىنىڭ مۇشەسى قايرات ماقسۇتوۆ ۇكىمەتتىڭ بۇگىنگى ءباسپاسوز ءماسليحاتىندا قازاقستاندا ءۇش جەو قۇرىلىسىنىڭ سوماسىن اتادى.
– قازىر قۇنىن ايتا المايمىز، ول مەملەكەتتىك ساراپتامادان وتكەننەن كەيىن بەلگىلى بولادى. سمەتا ءالى جوق بولعان كەزدە ينديكاتيۆتى دەپ اتالاتىن قۇن. سلايدتا كورسەتىلگەن بولجامدى سوما (ۇكىمەتتە) – 330 ملرد تەڭگە، - دەيدى ول.
ەسكە سالا كەتەيىك، رەسەي پرەزيدەنتى ۆلاديمير ءپۋتيننىڭ قازاقستانعا ساپارىنىڭ قورىتىندىسى بويىنشا 2023 جىلعى 9 قاراشادا كوكشەتاۋ، سەمەي جانە وسكەمەندە جەو سالۋ جوبالارى بويىنشا ىنتىماقتاستىق تۋرالى مەموراندۋم جاسالعان ەدى.
فوتو: عالامتوردان
Abai.kz
