ەلوردادا «اتامەكەن» ۇلتتىق كاسىپكەرلەر پالاتىنىڭ بۇرىنعى توراعاسى ابىلاي مىرزاحمەتوۆتىڭ ىسىنە قاتىستى باستى سوت وتىرىسى ءوتىپ جاتىر. پروكۋرور سوتتى جابىق رەجيمدە وتكىزۋگە ءوتىنىش بەردى.

— قر جوعارعى سوتىنىڭ 2002 جىلعى 26 جەلتوقسانداعى نورماتيۆتىك قاۋلىسىنىڭ 6-تارماعىنا سايكەس جاريالىلىققا تىيىم سالۋ تۋرالى ءوتىنىش، قىلمىستىق-پروتسەسسۋالدىق كودەكستىڭ 29-بابىنىڭ 1-بولىگى بويىنشا جابىرلەنۋشىلەردىڭ، كۋاگەرلەردىڭ، وتباسى مۇشەلەرى مەن جاقىن تۋىستارىنىڭ قاۋىپسىزدىگىن قامتاماسىز ەتۋ قاجەت كەزدە عانا قاناعاتتاندىرىلۋعا ءتيىس. كودەكستىڭ 29-بابىنىڭ 1-بولىگىنە سايكەس سوت تالقىلاۋىنىڭ جاريالىلىعىن شەكتەۋگە جابىرلەنۋشىنىڭ، كۋاگەرلەردىڭ، جاقىن تۋىستارى مەن سوت وتىرىسىنا قاتىساتىن باسقا دا ادامداردىڭ قاۋىپسىزدىك مۇددەسىن تالاپ ەتكەن جاعدايدا جول بەرىلەدى، — دەدى پروكۋرور باۋىرجان شەكەنوۆ.

سونداي-اق، پروكۋرور «قىلمىستىق پروتسەسكە قاتىساتىن ادامداردى مەملەكەتتىك قورعاۋ تۋرالى زاڭنىڭ 7-بابىنا سايكەس قورعالاتىن ادامداردىڭ جەكە جانە مۇلىكتىك قاۋىپسىزدىگىن قامتاماسىز ەتۋ ماقساتىندا سوت تالقىلاۋى بارىسىندا ناقتى ءمان-جايلاردى ەسكەرە وتىرىپ، پروتسەستى جۇرگىزەتىن ورگان جابىق سوت تالقىلاۋىن جۇرگىزۋ كەزىندە قاۋىپسىزدىك شارالارىن قولدانۋعا قۇقىلى ەكەنىن ايتتى.

بۇگىن استانادا «اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆتىڭ ىسىنە قاتىستى باستى سوت وتىرىسى ءوتىپ جاتىر. سۋديا پروتسەستى فوتو، ۆيدەوعا تۇسىرۋگە تىيىم سالدى.

ەسكە سالا كەتەيىك، «اتامەكەن» ۇلتتىق كاسىپكەرلەر پالاتاسىنىڭ بۇرىنعى توراعاسى ابىلاي مىرزاحمەتوۆ وتكەن جىلى 10 مامىردا ۇستالعان ەدى.

انتيكور تاراتقان اقپاراتقا سايكەس، ول الاياقتىق جانە كاسىپكەردى تۋىسىن قىلمىستىق جاۋاپكەرشىلىكتەن بوساتۋعا جاردەمدەسكەنى ءۇشىن اسا ءىرى كولەمدە پارا بەرۋگە يتەرمەلەدى دەگەن كۇدىككە ىلىكتى.

2023 جىلى 22 قاراشادا اگەنتتىك ابىلاي مىرزاحمەتوۆكە قاتىستى تەرگەۋ جالعاسىپ جاتقانىن حابارلادى.

«اتامەكەن» ۇكپ ەكس-باسشىسىنا قاتىستى ءىس بىلتىر 21 جەلتوقساندا سوتقا جەتتى.

فوتو: Tengrinews.kz

Abai.kz