اۋعانستاندا تايلاندتان ماسكەۋگە قاراي باعىت العان جولاۋشىلار ۇشاعى اپاتقا ۇشىرادى. سەنبى كۇنى كەشكە ونىمەن بايلانىس ۇزىلگەن. تۇندە اۋعانستاننىڭ باداحشان پروۆينتسياسىنىڭ تۇرعىندارى قۇلاعان ۇشاقتىڭ دىبىسىن ەستىپ، پوليتسياعا حابارلاعان. 

روساۆياتسيانىڭ حابارلاۋىنشا، ماسەلە رەسەي ازاماتتىق اۋە كەمەلەرىنىڭ مەملەكەتتىك رەەسترىندە تىركەلگەن Falcon 10 ۇشاعى جونىندە بولىپ وتىر. ول "اتلەتيك گرۋپپ" جانە جەكە تۇلعاعا تيەسىلى. ۇشاق بورتىندا التى ادام بار دەپ ايتىلادى: ەكيپاجدىڭ ءتورت مۇشەسى جانە ەكى جولاۋشى. كەمىندە ەكەۋى – رەسەي ازاماتى، دەپ جازدى تاسس.

ۇشاق چارتەرلىك سانيتارلىق رەيس اتقارعان. ونىڭ باعىتى گايا ء(ۇندىستان) — تاشكەنت (وزبەكستان) — جۋكوۆسكي (ماسكەۋ وبلىسى، رەسەي) بولعان. روساۆياتسيانىڭ حابارلاۋىنشا، ۇشاقتىڭ باستاپقى ۇشۋ ورنى تايلاندتىڭ ۋتاپاو اۋەجايى بولعان.

باداحشاننىڭ اقپارات دەپارتامەنتىنىڭ وكىلى زابيۋللا اميري اپات ورنىنا ىزدەۋ توبى جىبەرىلگەنىن راستادى. ۇشاق تابىلمايىنشا، ەكيپاج مۇشەلەرى مەن جولاۋشىلاردىڭ تاعدىرى بەلگىسىز. ۇشاق تاجىكستانمەن شەكاراداعى تاۋلى اۋدانعا قۇلاعان. رەسەي اۆياتسيا ۆەدومستۆوسى اۋعانستان جانە تاجىكستان بيلىگىمەن بايلانىستا وتىر.

فوتو: vlast.kz

Abai.kz