بۇگىندە شەتەل اسىپ، ءبىلىم الۋ، جۇمىس ىستەۋ قيىن ەمەس. سون­دىقتان شىعار، كەيىنگى جىلدارى سىرتقى كوشى-قون تولاستاماي تۇر. ءاسى­رەسە، جايلى ءومىر ىزدەگەن جاس ماماندار جات جۇرتتان «جۇماق» ىزدەپ، مۇحيت اسىپ جاتا­­دى. ۇلتتىق ستاتيستيكا بيۋروسىنىڭ دەرەكتەرىنە سۇيەنسەك، بىلتىر قازاقستاننان 12 732 ادام شەتەلگە كەتىپ قالعان، دەپ حابارلايدى Ulysmedia.kz.

ونىڭ 9948-ءى تمد ەلدەرىنە، قالعان 2784-ءى باسقا ەلدەرگە تيەسىلى. ەسەسىنە 2022 جىلمەن سالىستىرعاندا قازاقستانعا كەلگەندەردىڭ سانى 37,4 پايىزعا ارتقان.

ەلىمىزدەن كەتەتىن مامانداردىڭ نەگىزگى بولىگىن تەحنيكالىق (2809 ادام), ەكونوميكالىق (1456 ادام), پەداگوگيكالىق (75 ادام) جانە زاڭگەرلىك ءبىلىمى بار (421 ادام) ازاماتتار قۇراپ وتىر ەكەن.

2023 جىلى قازاقستانعا ءارتۇرلى ەلدەردەن 19 136 ازامات كەلگەن. بۇل سوڭعى 9 جىلداعى ەڭ جوعارعى كورسەتكىش ەكەنىن ەرەكشە اتاپ وتكەن ءجون. ءاربىر ءۇشىنشى ميگرانت رەسەي مەن وزبەكستاننىڭ تۋماسى بولىپ شىقتى.

ەڭبەك جانە حالىقتى الەۋمەتتىك قورعاۋ مينيسترلىگى اتاپ وتكەندەي، قازاقستان ازاماتتارى ءۇشىن ەڭ تارتىمدى ەلدەر گەرمانيا، اقش جانە پولشا بولسا كەرەك. جوعارى ءبىلىمدى ءارى بىلىكتى مامانداردىڭ قازاقستاننان كەتۋدى تاڭداۋىنا جوعارىدا اتالعان ەلدەردەگى ءومىر ءسۇرۋ دەڭگەيى مەن جالاقىنىڭ جوعارى بولعاندىعى سەبەپ.

Abai.kz