قىلمىستىق ءىستى تەرگەۋ شەڭبەرىندە كاسىپورىننىڭ 40-تان استام قىزمەتكەرىنەن، سونداي-اق جشس باسشىلىعىنان جاۋاپ الىندى. ءىس بويىنشا پروتسەسسۋالدى پروكۋرورلار تاعايىندالدى.

پاۆلودار وبلىسى پوليتسيا دەپارتامەنتىنىڭ تەرگەۋ باسقارماسى وسى جىلدىڭ 4 قاڭتارىندا باياناۋىل اۋدانى مايقايىڭ كەنتىندەگى «مايقايىڭالتىن» اق اۋماعىندا بولعان وقيعا فاكتىسى بويىنشا قىلمىستىق كودەكستىڭ 277-بابى 3-بولىگى (تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ) بويىنشا قىلمىستىق ءىستى تەرگەۋ ۇستىندە.

«جولدىڭ وپىرىلۋى سالدارىنان تاۋ-كەن كارەرىنە اپاتتىق-قۇتقارۋ قىزمەتىنىڭ 4 قىزمەتكەرى بار اۆتوبۋس قۇلاعانى انىقتالدى، 2 ادامنىڭ دەنەسى سول كۇنى شىعارىلدى. تاۋ-كەن جۇمىستارىن جۇرگىزۋ قاۋىپسىزدىگى ەرەجەلەرىن بۇزۋشىلىقتاردى تەرگەۋ جونىندەگى كوميسسيا قۇرىلدى. ىس بويىنشا پروتسەسسۋالدى پروكۋرورلار تاعايىندالدى. قازبا ورنىنان اۆتوبۋستىڭ بىرنەشە فراگمەنتتەرى مەن قۇتقارۋشىلاردىڭ جەكە جابدىقتارى جەر بەتىنە كوتەرىلدى. قازىرگى ۋاقىتتا وقيعا ورنىنا جول سالۋ ءۇشىن توپىراق شىعارىلىپ، گەوسكانەرلەۋ جۇرگىزىلۋدە، شاعىن كولەمدى ەكسكاۆاتورلار ءتۇسىرىلدى، ەكى قۇتقارۋشىنى ىزدەۋ جالعاسىپ جاتىر. تاۋ جىنىستارىنىڭ تۇراقسىزدىعىنا جانە شۇڭقىر استىندا قۋىس جەرلەر پايدا بولىپ، توپىراقتىڭ باسۋىنا بايلانىستى جۇمىستاردى جۇرگىزۋ قيىنداۋدا. قىلمىستىق ءىستى تەرگەۋ شەڭبەرىندە كاسىپورىننىڭ 40-تان استام قىزمەتكەرىنەن، سونداي-اق جشس باسشىلىعىنان جاۋاپ الىندى، قاجەتتى قۇجاتتار، بەينەباقىلاۋ كامەرالارىنان جازبالار الىندى» دەپ حابارلادى پاۆلودار وبلىسىنىڭ پروكۋراتۋراسى.

قىلمىستىق ءىس بويىنشا جولدىڭ وپىرىلىپ قۇلاۋ سەبەپتەرىن انىقتاۋ ءۇشىن ەلىمىزدىڭ ءتۇرلى ايماقتارىنان تاۋ-كەن-قۇرىلىس جۇمىستارى سالاسىنىڭ ماماندارىن تارتا وتىرىپ، بىرقاتار ساراپتاما تاعايىندالعان.

تەرگەۋ باس پروكۋراتۋرانىڭ باقىلاۋىندا.

فوتو: ۆالەري بۋگاەۆ

Abai.kz