قازاقستان ازاماتتارى زاڭدى تۇردە وڭتۇستىك كورەياعا بارىپ، ءۇش جىل جۇمىس ىستەي الادى، دەپ باياندادى قازاقستاننىڭ ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ توراعاسى اسقاربەك ەرتاەۆ.

اسقاربەك ەرتاەۆتىڭ ايتۋىنشا، وسى ايدان باستاپ قازاقستاندىقتاردى اتالعان ەلگە جىبەرۋگە ارنالعان ساپار ورتالىعىن اشۋ جۇمىستارى باستالدى. ورتالىقتىڭ نەگىزگى مىندەتى – وڭتۇستىك كورەيادا جۇمىسقا ورنالاسقىسى كەلەتىن ۇمىتكەرلەرگە تىلدىك كۋرستاردى وقىتۋ، كورەي ءتىلىنىڭ تەستىلەۋى، بىلىكتىلىگىن ارتتىرۋ. ناتيجەسىندە اتالمىش ورتالىق ارقىلى قازاقستان ازاماتتارى كورەيادا ءۇش جىلعا دەيىن جۇمىس ىستەي الادى.

– تەستىلەۋ ورتالىعى الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا اشىلادى. اتالعان مەكەمەنىڭ قاجەتتى ماتەريالدىق-تەحنيكالىق بازاسى، وقۋ اۋديتورياسى بار. زامانعا ساي قۇرالدارمەن جابدىقتالعان. تەستىلەۋ ورتالىعىنىڭ 500-گە تارتا كومپيۋتەر ورىنى بار. قازاقستان ازاماتتارىن قوناەۆ كوپبەيىندى كوللەدجىندە وقىتۋ كوزدەلىپ وتىر. ياعني، وڭتۇستىك كورەياعا بارماس بۇرىن ولار وقىتىلادى، – دەيدى اسقاربەك ەرتاەۆ.

Abai.kz