ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ توراعاسى اسقاربەك ەرتاەۆ ەتنيكالىق كوشى-قون ساياساتى قالاي جۇرگىزىلىپ جاتقانىن ايتىپ بەردى، دەپ حابارلايدى Abai.kz Ulysmedia.kz. سايتىنا سىلتەمە جاساپ.

2022 جىلى 19 223 قانداس كوشىپ كەلسە، جىل باسىنان بەرى ەلگە بارلىعى 21 323 قانداس كەلگەنى انىقتالدى. بۇل تۋرالى ورتالىق كوممۋنيكاتسيالار الاڭىندا ءباسپاسوز ءماسليحاتىن وتكىزگەن مينيسترلىك وكىلى حابارلادى.

قانداس مارتەبەسى بويىنشا قۇجاتتار ە-قوناق ءموبيلدى قوسىمشاسى ارقىلى قابىلدانىپ، ءبىر تەرەزە قاعيداتى بويىنشا جۇمىس ىستەلەدى. 42 ەلشىلىك پەن كونسۋلدىق قانداستاردان قۇجات قابىلدايدى.

ەڭبەك جانە حالىقتى الەۋمەتتىك قورعاۋ مينيسترلىگى قانداستار مەن قونىس اۋدارۋشىلاردى قابىلداۋدىڭ 2024 جىلعا ارنالعان وڭىرلىك كۆوتاسىن بەلگىلەۋ تۋرالى بۇيرىقتىڭ جوباسىن ۇسىندى. بۇيرىقتا قانداستارعا وڭىرلىك كۆوتا كەلەسى جىلى 2 433 ادامدى، قونىس اۋدارۋشىلارعا – 7 050 ادامدى قۇرايتىنى ايتىلعان ەدى.

داريعا ەرجانقىزى

Abai.kz