رەسەيدىڭ ورتالىق سايلاۋ كوميسسياسى رەسەي پرەزيدەنتى سايلاۋىنا كانديداتتاردى تىركەدى. قاتاردا ادەتتەگىدەي 71 جاستاعى ۆلاديمير پۋتين دە بار، دەپ حابارلايدى Abai.kz اقپاراتتىق پورتالى.

 قازىر ول سايلاۋدا تىركەلگەن ءتورتىنشى كانديدات.

بۇعان دەيىن سايلاۋ كوميسسياسى لدپر پارتياسىنىڭ باسشىسى لەونيد سلۋتسكيدى، رەسەي مەملەكەتتىك دۋماسىنىڭ ۆيتسە-سپيكەرىن، "جاڭا ادامدار" پارتياسىنىڭ مۇشەسى ۆلاديسلاۆ داۆانكوۆتى، سونداي-اق رەسەي مەملەكەتتىك دۋماسىنىڭ (كپرف فراكتسياسى) دەپۋتاتى نيكولاي حاريتونوۆتى كانديدات رەتىندە تىركەگەن.

ء"وزىن-ءوزى ۇسىنۋشى" رەتىندە سايلاۋعا قاتىسۋشى ءپۋتيندى "ەدينايا روسسيا" پارتياسى رەسمي تۇردە قولدايدى.

ەستەرىڭىزگە سالا وتسەك، رەسەيدە پرەزيدەنت سايلاۋى 15-17 ناۋرىز ارالىعىندا وتەدى.

پۋتين العاش رەت رەسەي پرەزيدەنتى بولعان 2000 جىلى ءبىر ادامعا ارنالعان ەڭ كوپ مەرزىم ەكەۋمەن شەكتەلگەن. سودان كەيىن پرەزيدەنتتىك مەرزىمى ءتورت جىلعا، 2008 جىلى ول التى جىلعا دەيىن ۇزارتىلدى.

2020 جىلعى رەسەي كونستيتۋتسياسىنا قابىلدانعان تۇزەتۋلەر ءپۋتيننىڭ التىنشى رەت سايلانۋىنا مۇمكىندىك بەرمەك. بۇل جولى دا پۋتين بيلىككە جايعاسسا،  ونىڭ وكىلەتتىك مەرزىمى 2036 جىلى اياقتالادى. بۇل جاعىنان پۋتين بيلىك باسىندا ۇزاق بولعان ستالينمەن تەڭەسىپ، ءتىپتى ودان باسىپ وزۋى مۇمكىن.

داريعا ەرجانقىزى

Abai.kz