التىن كەنىشىندەگى شۇڭقىرعا تۇسىرىلگەن ەكسكاۆاتوردىڭ كومەگىمەن اۆتوبۋستىڭ قوسالقى دوڭعالاعى تابىلدى. بۇل تۋرالى وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.

بۇعان دەيىن پاۆلودار وبلىسىنىڭ اكىمى اسايىن بايحانوۆ Telegram كانالىندا: «بۇگىنگى جۇمىس بارىسىندا قۇتقارۋشىلار اۆتوبۋستىڭ دوڭگەلەگىنە جەتتى. قازىرگى ۋاقىتتا بۇل — شۇڭقىرعا قۇلاعان اۆتوبۋستىڭ ەڭ ۇلكەن بولىگى. ىزدەستىرۋ جۇمىستارى جالعاسۋدا» دەپ جازعان ەدى.

وڭىرلىك توتەنشە جاعدايلار دەپارتامەنتى قۇتقارۋشىلار تاپقان بولىك اۆتوبۋستىڭ قوسالقى دوڭگەلەگى ەكەنىن حابارلادى.

اتالعان جەردە گيدراۆليكالىق بالعاسى بار ەكسكاۆاتور تاس ۇساقتاۋ جۇمىسىن جالعاستىرىپ جاتىر.

ىشىندە ەكى قۇتقارۋشى بار اۆتوبۋس سول ماڭدا جاتۋى مۇمكىن.

فوتو: ۆالەري بۋگاەۆ

Abai.kz