قر ساۋدا جانە ينتەگراتسيا ءمينيسترى ارمان شاققاليەۆ ەلىمىزدەگى دۇكەندەردە جۇمىرتقا باعاسى نەلىكتەن وسكەنىن ءتۇسىندىردى. 

«ەلىمىزدە جۇمىرتقا باعاسىنىڭ ءوسۋى بايقالدى. ياعني، ماۋسىمدىق ءوسىم بولدى»، - دەدى ارمان شاققاليەۆ.

مينيستر ءوزى باسقارىپ وتىرعان ۆەدومستۆو تاۋار باعاسىنا مونيتورينگ جۇرگىزىپ جاتقانىن ايتتى.

«بۇل سالاداعى وزگەرىستەر ۇنەمى ماۋسىمدىق سيپاتتا بولادى. بۇعان ۇيرەنۋىمىز كەرەك. جازدا جۇمىرتقا ارزانداسا، قىستا قىمباتتايدى، بۇعان سابىرمەن قاراۋ كەرەك»، - دەدى ا. شاققاليەۆ.

ۆەدومستۆو باسشىسى قازىر ەلىمىزدە 5 ملرد 100 ميلليونعا جۋىق جۇمىرتقا وندىرەتىن 34 قۇس فابريكاسى بار ەكەنىن ايتتى. جىلىنا قازاقستان حالقى 5 ميلليارد جۇمىرتقا ساتىپ الادى.

فوتو: caspianlife.kz

Abai.kz