جاقىندا ەل پرەزيدەنتى ورالعا كەلدى...

قالانىڭ اشىق-شاشىق جاتقان ورتالىق كوشەسى ەلباسىنىڭ كەلۋىنە ءبىر كۇن قالعاندا اسىعىس جوندەلدى. نوسەرلەتكەن جاۋىننىڭ استىندا مەملەكەت باسشىسىنىڭ كەلۋىنە بىرنەشە ساعات قالسا دا، ءتۇنى بويى جولدارعا اسفالت توسەلدى.

ەلباسى پاتەرلەرىنىڭ كىلتتەرىن تاپسىرۋ جوسپارلانعان جاستارعا بەرىلەتىن جاڭا ءۇيدىڭ اۋلاسى تەز اباتتاندىرىلىپ، گۇلدەر وتىرعىزىلىپ، اسفالت ايناداي جۋىلىپ-تازالاندى...

بىراق، ءبىراز نارسە ويداعىداي بولماي شىقتى...

جايىق شەنەۋنىكتەرى ءۇش ماسەلەدە وڭباي ءسۇرىنىپ، وماقاسا قۇلادى...

بىرىنشىدەن، ايماقتاعى شاعىن جانە ورتا بيزنەستىڭ جاعدايى ءماز ەمەس ەكەن. بۇل باعدارلامالاردى حالىق بىلمەيدى، تۇرعىندارعا تۇسىندىرىلمەگەن...

ەكىنشىدەن، وبلىستاعى كولىك جولدارىنىڭ ساپاسى وتە ناشار، ەشقانداي سىن كوتەرمەيدى.

ۇشىنشىدەن،  «ەڭبەكپەن قامتۋ-2020» باعدارلاماسىن وبلىستىڭ 6 بىردەي اۋدانى قولداماي قويعان... وسى ماسەلە بويىنشا پرەزيدەنتتىڭ ساۋالدارىنا وبلىس باسشىسىنىڭ ورىنباسارى مۇرات كارىموۆتىڭ بەرگەن جاۋاپتارى كولەمدى ساياسي فەلەتونعا دا، قالىڭ جۇرت كۇندە ايتاتىن وتكىر انەكدوتقا دا ازىق بولدى...

مۇرات كارىموۆ: – ناقتى تسيفراسىن بىلمەيمىن، نۇرلان اسقارۇلى، كىم-م، نۇرسۇلتان ءابىشۇلى...

پرەزيدەنت: – ەندى سەن ناقتى تسيفرىن بىلمەيسىڭ، وسى جۇمىسقا جاۋاپ بەرەسىڭ، بىلمەيسىڭ قانشا ەكەنىن، سەن قالاي جۇمىس جاساپ ءجۇرسىڭ؟ "زانياتوست" دەگەن باعدارلاماعا قانشا ادامدى وقىتتىڭدار؟

جاقىندا ەل پرەزيدەنتى ورالعا كەلدى...

قالانىڭ اشىق-شاشىق جاتقان ورتالىق كوشەسى ەلباسىنىڭ كەلۋىنە ءبىر كۇن قالعاندا اسىعىس جوندەلدى. نوسەرلەتكەن جاۋىننىڭ استىندا مەملەكەت باسشىسىنىڭ كەلۋىنە بىرنەشە ساعات قالسا دا، ءتۇنى بويى جولدارعا اسفالت توسەلدى.

ەلباسى پاتەرلەرىنىڭ كىلتتەرىن تاپسىرۋ جوسپارلانعان جاستارعا بەرىلەتىن جاڭا ءۇيدىڭ اۋلاسى تەز اباتتاندىرىلىپ، گۇلدەر وتىرعىزىلىپ، اسفالت ايناداي جۋىلىپ-تازالاندى...

بىراق، ءبىراز نارسە ويداعىداي بولماي شىقتى...

جايىق شەنەۋنىكتەرى ءۇش ماسەلەدە وڭباي ءسۇرىنىپ، وماقاسا قۇلادى...

بىرىنشىدەن، ايماقتاعى شاعىن جانە ورتا بيزنەستىڭ جاعدايى ءماز ەمەس ەكەن. بۇل باعدارلامالاردى حالىق بىلمەيدى، تۇرعىندارعا تۇسىندىرىلمەگەن...

ەكىنشىدەن، وبلىستاعى كولىك جولدارىنىڭ ساپاسى وتە ناشار، ەشقانداي سىن كوتەرمەيدى.

ۇشىنشىدەن،  «ەڭبەكپەن قامتۋ-2020» باعدارلاماسىن وبلىستىڭ 6 بىردەي اۋدانى قولداماي قويعان... وسى ماسەلە بويىنشا پرەزيدەنتتىڭ ساۋالدارىنا وبلىس باسشىسىنىڭ ورىنباسارى مۇرات كارىموۆتىڭ بەرگەن جاۋاپتارى كولەمدى ساياسي فەلەتونعا دا، قالىڭ جۇرت كۇندە ايتاتىن وتكىر انەكدوتقا دا ازىق بولدى...

مۇرات كارىموۆ: – ناقتى تسيفراسىن بىلمەيمىن، نۇرلان اسقارۇلى، كىم-م، نۇرسۇلتان ءابىشۇلى...

پرەزيدەنت: – ەندى سەن ناقتى تسيفرىن بىلمەيسىڭ، وسى جۇمىسقا جاۋاپ بەرەسىڭ، بىلمەيسىڭ قانشا ەكەنىن، سەن قالاي جۇمىس جاساپ ءجۇرسىڭ؟ "زانياتوست" دەگەن باعدارلاماعا قانشا ادامدى وقىتتىڭدار؟

مۇرات كارىموۆ: – "زانياتوست" بويىنشا بىزدەر، ىم-م-م، نۇرسۇلتان ءابىشۇلى، 4 مىڭ 400-دەي ميلليارد ادام... كەشىرەرسىز... 1000-1500 ادامداي وقىدى.

پرەزيدەنت: – سەن "دەي", "داي" دەگەندى قوي، ناقتى ايت بىلەتىن بولساڭ. ءدال وسى جۇمىستى باسقارىپ وتىرسىڭ، قالاي سەن بىلمەيسىڭ؟ ساعات ەكىدە وياتقان كەزدە سارت ەتكىزىپ ايتىپ تاستاۋىڭ كەرەك، ەگەر دە جاقسىلاپ جۇمىس ىستەيتىن بولساڭ. سلۋشاي، مەنىڭ ناعىز بەرگەن تاپسىرمامدى سەندەر ورىندامايسىڭدار، قالاي ول؟ بىلمەيسىڭدەر. نەگىزگى، ەڭ ءبىرىنشى – باعانىڭ ءوسىمى، ەكىنشى – حالىققا جۇمىس بەرۋ. باسقا شارۋالارىڭ جوق. قانشا ەكەنىن بىلمەيسىڭدەر، سانىن...

****

ء سويتىپ، باتىس قازاقستان وبلىسىنا جاساعان ساپارىندا ەلباسى اكىم-قارالارعا كارىن توككەن بولدى، ءتىپتى، جۇمىسسىزدار سانىن "ميللاردقا" جەتكىزگەن شەنەۋنىك، ياعني، وبلىس اكىمىنىڭ ورىنباسارى ءوز جۇمىسىنا ەلباسىنان "2" دەگەن ەڭ تومەنگى باعا الدى، شاراسىز باسشى "شۋلادى", جاۋاپسىز قوسشى "تۋلادى", ناتيجەسىندە، ەشتەڭە وزگەرگەن جوق: "قوي دا امان، قاسقىر دا توق"...

كىمنىڭ ۇتقانى بەلگىسىز...

ال، ۇتىلعان – تاعى دا حالىق...

Abai.kz