وتكەن اپتادا سۇلەيمەن دەميرەل اتىنداعى قازاق-تۇرىك ۋنيەرسيتەتىندە كەلىستى كەزدەسۋ ءوتتى. «قازاق فيلولوگياسى جانە جۋرناليستيكا كافەدراسىنىڭ" شاقىرۋىمەن بارعان Abai.kz ۇجىمى بولاشاق قالامگەرلەرمەن جۇزدەسىپ، «ينتەرنەت جۋرناليستيكا» توڭىرەگىندە وي ءبولىستى. بەلگىلى جۋرناليست ەسەنگۇل كاپقىزى ۇستازادىق ەتەتىن ۇجىممەن كەزدەسۋ «سۇراق-جاۋاپ» تۇرىندە ءوربىدى. وزدەرىن مازالاعان سۇراقتاردى ىرىكپەي بولىسكەن شاكىرتتەر بۇگىنگى قازاق جۋرناليستيكاسىنا بەيجاي قاراي المايتىنىن اڭعارتتى. اسىرەسە ءداستۇرلى قازاق جۋرناليستيكاسى مەن جاڭا مەديانىڭ توقايلاساتىن تۇستارىنا كەلگەندە ءارتۇرلى تالاستى پىكىرلەر ايتىلدى. بۇل ماسەلە توڭىرەگىندە «اباي» پورتالىنىڭ باس رەداكتورى داۋرەن قۋات مىرزا قازىرگى قازاقتىلدى سايتتاردىڭ قازاق باسپاسوزىندە قالىپتاسقان اۋەلگى ءداستۇردى ساقتاي وتىرىپ، جاڭا مەديا تالاپتارىنا جاۋاپ بەرۋگە تىرساتىندىعىن جەتكىزدى. جۋرناليست ءومىرجان ابدىحالىقۇلى ينتەرنەت جۋرناليستيكانىڭ مازمۇنىنا توقتالا كەلىپ، «اباي» پورتالىنىڭ وقىرماندارى نەگىزىنەن وزىندىك كوزقاراسى قالىپتاسقان، زيالى، كەز كەلگەن ۇلتتىق ماسەلەگە ءۇن قاتىپ وتىراتىن ازاماتتار ەكەندىگىن تىلگە تيەك ەتتى. عالامتوردىڭ شەكارامەن شەكتەلمەيتىندىگىن، سوندىقتان قازاق عالامتورى، ينتەرنەت جۋرناليستيكاسى الەمدەگى بار قازاقتىڭ باسىن قوسۋعا قىزمەت جاساۋ كەرەكتىگىن ايتقان جۋرناليست ءبىلال قۋانىش قازاق سايتتارىنداعى ءالىپبي ماسەلەسىنە دە نازار اۋداردى.

وتكەن اپتادا سۇلەيمەن دەميرەل اتىنداعى قازاق-تۇرىك ۋنيەرسيتەتىندە كەلىستى كەزدەسۋ ءوتتى. «قازاق فيلولوگياسى جانە جۋرناليستيكا كافەدراسىنىڭ" شاقىرۋىمەن بارعان Abai.kz ۇجىمى بولاشاق قالامگەرلەرمەن جۇزدەسىپ، «ينتەرنەت جۋرناليستيكا» توڭىرەگىندە وي ءبولىستى. بەلگىلى جۋرناليست ەسەنگۇل كاپقىزى ۇستازادىق ەتەتىن ۇجىممەن كەزدەسۋ «سۇراق-جاۋاپ» تۇرىندە ءوربىدى. وزدەرىن مازالاعان سۇراقتاردى ىرىكپەي بولىسكەن شاكىرتتەر بۇگىنگى قازاق جۋرناليستيكاسىنا بەيجاي قاراي المايتىنىن اڭعارتتى. اسىرەسە ءداستۇرلى قازاق جۋرناليستيكاسى مەن جاڭا مەديانىڭ توقايلاساتىن تۇستارىنا كەلگەندە ءارتۇرلى تالاستى پىكىرلەر ايتىلدى. بۇل ماسەلە توڭىرەگىندە «اباي» پورتالىنىڭ باس رەداكتورى داۋرەن قۋات مىرزا قازىرگى قازاقتىلدى سايتتاردىڭ قازاق باسپاسوزىندە قالىپتاسقان اۋەلگى ءداستۇردى ساقتاي وتىرىپ، جاڭا مەديا تالاپتارىنا جاۋاپ بەرۋگە تىرساتىندىعىن جەتكىزدى. جۋرناليست ءومىرجان ابدىحالىقۇلى ينتەرنەت جۋرناليستيكانىڭ مازمۇنىنا توقتالا كەلىپ، «اباي» پورتالىنىڭ وقىرماندارى نەگىزىنەن وزىندىك كوزقاراسى قالىپتاسقان، زيالى، كەز كەلگەن ۇلتتىق ماسەلەگە ءۇن قاتىپ وتىراتىن ازاماتتار ەكەندىگىن تىلگە تيەك ەتتى. عالامتوردىڭ شەكارامەن شەكتەلمەيتىندىگىن، سوندىقتان قازاق عالامتورى، ينتەرنەت جۋرناليستيكاسى الەمدەگى بار قازاقتىڭ باسىن قوسۋعا قىزمەت جاساۋ كەرەكتىگىن ايتقان جۋرناليست ءبىلال قۋانىش قازاق سايتتارىنداعى ءالىپبي ماسەلەسىنە دە نازار اۋداردى.
ايتا كەتەرلىگى اتالمىش ۋنيۆەرسيتەت «وقۋ ورىنىڭ قايسى دەسە، مىناۋ» دەيتىندەي وتە ەڭسەلى، اسەم بەزەندىرىلگەن ەكەن. اسىرەسە شاكىرتتەردىڭ وزدەرىن ەركىن سەزىنۋى، ءبىلىم قۇمارلىعى تاۋەلسىز قازاقستاننىڭ بولاشاق تىزگىن ۇستارلارى ءبىز دەگەندى اڭعارتقانداي.
PS. اتالعان وقۋ ورىنى ستۋدەنتتەرگە ەكى تىلدە: قازاق جانە اعىلشىن تىلىندە ءدارىس وقيدى ەكەن. بيىلعى وقۋ جىلىندا كەيبىر تالاپكەرلەر مەن ولاردىڭ اتا-انالارىنىڭ تاراپىنان «ءدارىس ورىس تىلىندە وقىتىلسىن» دەگەن ۇسىنىس بولعان كورىنەدى. ولارعا ۋنيۆەرسيتەت رەكتورى مۋحاممەت اكديش: «ورىسشا وقىعىلارىڭ كەلسە، رەسەيگە بارىڭدار» دەپ جاۋاپ بەرىپتى. مىنە، ازامات!

Abai.kz