الماتىدا تۇنگى شۋعا بايلانىستى ەكى كوشەدە جىلدامدىق شەكتەلەدى، دەپ حابارلايدى Abai.kz.

الماتى قالاسىندا لاي كوشكىنى سالدارىنان بولعان جاعدايدان كەيىن قالا اكىمدىگى تۇرعىندارمەن كەزدەسۋ ۇيىمداستىرعان. توتەنشە جاعدايمەن قاتار، تۇرعىندار تۇندەگى مازاسىزدىق جايىن دا اتاپ ءوتتى.

لادۋشكينا كوشەسىندەگى 65-ءۇيدىڭ تۇرعىندارى: "كوكتەمنەن باستاپ، تۇندە دوستىق داڭعىلى بويىندا جاستار اراسىندا ناعىز جارىس باستالادى. كولىكتەردىڭ داۋىسى، قاتتى مۋزىكا ۇيىقتاۋعا كەدەرگى كەلتىرەدى. تىنىشتىقتى بۇزعاتىندارمەن كۇرەسۋىڭىزدى سۇرايمىز", - دەپ، تىنىشتىقتى بۇزعان جۇرگىزۋشىلەرگە شارا قولدانۋدى سۇرادى.

"اۋدان تۇرعىندارىنىڭ ارىز-شاعىمدارىن ەسكەردىك. تۇنگى ۋاقىتتا تىنىشتىقتى بۇزعانى ءۇشىن جاۋاپكەرشىلىك بار. ءبىز پوليتسيا ءبولىمىنىڭ وكىلدەرىمەن بىرلەسە جۇمىس ىستەپ جاتىرمىز، دوستىق داڭعىلى بويىنا "سەرگەك" بەينەكامەرالارىن ورناتۋدى تاپسىردىم. كەرەي، جانىبەك حاندار كوشەسىندە جىلدامدىقتى شەكتەيمىز. بەينەباقىلاۋ كامەرالارى جاعدايعا اسەر ەتەتىنىنە سەنىمدىمىن", - دەپ جاۋاپ بەردى ەربولات دوساەۆ.

اكىمنىڭ سوزىنشە، بيىلدىققا 30 "سەرگەك" اپپاراتتىق-باعدارلامالىق جۇيەسى مەن بەينەباقىلاۋ جۇيەسىنىڭ 750 كامەراسىن ورناتۋ جوسپارلانعان.

Abai.kz