كەمپ-دەۆيد كەلىسىمدى توقتاتۋ سەسى يزرايل پرەمەر-ءمينيسترى بينيامين نەتانياحۋ حاماس توبىنا قارسى ءتورت ايعا سوزىلعان سوعىستا جەڭىسكە جەتۋ ءۇشىن رافاحقا اسكەرلەردى كىرگىزۋ مۇمكىندىگىن ايتقاننان كەيىن بولدى.
يزرايل اسكەرى قۇرلىق وپەراتسياسىن باستاعاننان كەيىن گازا سەكتورىندا تۇراتىنداردىڭ جارتىسى رافاكقا قاشىپ بارعان. ول جاقتا پالەستيندەردىڭ كوبى ەگيپەتپەن شەكاراعا جاقىن جەردەگى شاتىردا تۇرىپ جاتىر.
يزرايل پرەمەر-ءمينيسترى ABC News تەلەكانالىنا بەرگەن سۇقباتىندا رافاحتىڭ قاراپايىم تۇرعىندارى سولتۇستىككە كوشىپ كەتە الاتىنىن، ول جاقتا حاماس-تان تازالانعان ايماقتار بار ەكەنىن ايتقان.
بىلتىر 7 قازاندا حاماس سودىرلارى يزرايل ايماعىنا شابۋىل جاساپ، 1200-گە جۋىق ادامدى ءولتىرىپ، جۇزدەگەن ادامدى تۇتقىنعا العان. ولاردىڭ جارتىسى بوساتىلدى.
تساحال گازاعا سوعىس جاريالاپ، اسكەري وپەراتسياسىن باستاعان. گازانىڭ حاماس باقىلايتىن دەنساۋلىق ساقتاۋ مەكەمەسى 28 مىڭعا جۋىق ادامنىڭ قايتىس بولعانىن مالىمدەدى. جاراقات العاندار سانى 67 مىڭنان استى. گازا سەكتورىنىڭ 80% جەر اۋدارۋعا ءماجبۇر.
دەرەككوزى: centralasian.org
Abai.kz
