اقتاۋ قالاسىندا قازاق كسر-ءنىڭ ەڭبەك سىڭىرگەن گەولوگ-بارلاۋشىسى، كسرو جەر قويناۋىنىڭ ۇزدىك بارلاۋشىسى، ۇلى وتان سوعىسىنىڭ ارداگەرى، اتىراۋ جانە ماڭعىستاۋ مۇنايىن يگەرۋگە تىكەلەي اتسالىسقان ارداگەر-مۇنايشى، بۇرعىلاۋ ەرىتىندىلەرى ءىسىنىڭ حاس شەبەرى قامقا جانيارقىزى ۇمبەتالينا تۇرادى. قازاقتىڭ قىران قىزى قازىر 90 جاستا.  قامقا انانىڭ 90 جاسىن ماڭعىستاۋ جۇرتى اتاپ ءوتىپ جاتىر.

مەيرامحانادا توقساننىڭ تورىنە كەلسە دە تۇعىردان تۇسپەگەن ارداگەر-مۇنايشىنىڭ قۇرمەتىنە اس داستارحانى جايىلىپ، سىيلى قوناقتار مەن ەڭبەك ارداگەرلەرى، اعايىن-تۋىستارى قازاقتىڭ قىران قىزىن قوشامەتتەپ قارسى الدى.

قۇرمەتتى قوناقتارعا اتىراۋ جانە ماڭعىستاۋ مۇنايىن يگەرۋگە ولشەۋسىز ەڭبەك سىڭىرگەن بۇرعىلاۋ ەرىتىندىلەرىنىڭ حاس شەبەرى قامقا ۇمبەتالينانىڭ 90 جاسقا تولۋ مەرەيتويىنا ارنايى جاسالعان «بۇرعىلاۋ الاڭىنىڭ قانشايىمى» اتتى دەرەكتى ءفيلمى كورسەتىلدى.

سالتاناتتى جيىندا وبلىس اكىمى اليك ايدارباەۆ مەرەيتوي يەسىن قۇتتىقتاپ ءسوز سويلەپ، ولكەمىزگە بەلگىلى مۇناي بارلاۋ سالاسى مامانىنىڭ وتانىمىز بەن ەلىمىزگە سىڭىرگەن ەڭبەگىن جوعارى باعالادى.

مەرەيلى مەرەكەدە جاس اقىن سەرجان كەنجەبەك قامقا اپاعا ارناعان ولەڭىن ۇلكەن شابىتپەن توگىلتە وقىدى.

اقتاۋ قالاسىندا قازاق كسر-ءنىڭ ەڭبەك سىڭىرگەن گەولوگ-بارلاۋشىسى، كسرو جەر قويناۋىنىڭ ۇزدىك بارلاۋشىسى، ۇلى وتان سوعىسىنىڭ ارداگەرى، اتىراۋ جانە ماڭعىستاۋ مۇنايىن يگەرۋگە تىكەلەي اتسالىسقان ارداگەر-مۇنايشى، بۇرعىلاۋ ەرىتىندىلەرى ءىسىنىڭ حاس شەبەرى قامقا جانيارقىزى ۇمبەتالينا تۇرادى. قازاقتىڭ قىران قىزى قازىر 90 جاستا.  قامقا انانىڭ 90 جاسىن ماڭعىستاۋ جۇرتى اتاپ ءوتىپ جاتىر.

مەيرامحانادا توقساننىڭ تورىنە كەلسە دە تۇعىردان تۇسپەگەن ارداگەر-مۇنايشىنىڭ قۇرمەتىنە اس داستارحانى جايىلىپ، سىيلى قوناقتار مەن ەڭبەك ارداگەرلەرى، اعايىن-تۋىستارى قازاقتىڭ قىران قىزىن قوشامەتتەپ قارسى الدى.

قۇرمەتتى قوناقتارعا اتىراۋ جانە ماڭعىستاۋ مۇنايىن يگەرۋگە ولشەۋسىز ەڭبەك سىڭىرگەن بۇرعىلاۋ ەرىتىندىلەرىنىڭ حاس شەبەرى قامقا ۇمبەتالينانىڭ 90 جاسقا تولۋ مەرەيتويىنا ارنايى جاسالعان «بۇرعىلاۋ الاڭىنىڭ قانشايىمى» اتتى دەرەكتى ءفيلمى كورسەتىلدى.

سالتاناتتى جيىندا وبلىس اكىمى اليك ايدارباەۆ مەرەيتوي يەسىن قۇتتىقتاپ ءسوز سويلەپ، ولكەمىزگە بەلگىلى مۇناي بارلاۋ سالاسى مامانىنىڭ وتانىمىز بەن ەلىمىزگە سىڭىرگەن ەڭبەگىن جوعارى باعالادى.

مەرەيلى مەرەكەدە جاس اقىن سەرجان كەنجەبەك قامقا اپاعا ارناعان ولەڭىن ۇلكەن شابىتپەن توگىلتە وقىدى.

بۇدان كەيىن «ماڭعىستاۋمۇنايگاز» اكتسيونەرلىك قوعامىنىڭ باس ديرەكتورى سۋن سينيۋن مەن «ماڭعىستاۋمۇنايگاز» اكتسيونەرلىك قوعامى كاسىپوداق ۇيىمى قوعامدىق بىرلەستىگىنىڭ توراعاسى ساناتباي ماساتوۆ ۇيىمداستىرۋشىلار اتىنان قۇتتىقتاۋ ءسوز سويلەپ، قامقا جانيارقىزىنىڭ ماڭعىستاۋ مۇنايىن يگەرۋگە قوسقان ايرىقشا ەڭبەگىن ءاتاپ وتتى.

تەرمەشى قايرات قامقا اپانىڭ قۇرمەتىنە تەرمەسىن ناقىشىنا كەلتىرە ورىنداپ بەردى.

قۇتتىقتاۋ كەزەگى ن.ءا.ماراباەۆ اتىنداعى «مۇنايشى» قوعامدىق قورىنىڭ القا مۇشەلەرى لەيليا ماراباەۆا مەن كيىكباي رزاحانوۆقا ءتيىپ، ولار ارداگەر-مۇنايشىنىڭ ەسىمى ماڭعىستاۋ مۇنايىنىڭ تاريحىنا التىن ارىپتەرمەن ايشىقتالىپ جازىلعانىن ايتتى.

ولكەمىزگە بەلگىلى ءانشى اسانالى كوشەروۆ قامقا اپاعا ارناپ «ەدىل مەن جايىق»، «جايىق قىزى» اندەرىن شالقىتتى.

ماڭعىستاۋعا تانىمال مۇنايشى-گەولوگتار اتىنان ۆيكتور نەچاەۆ پەن ءادىل نۇرمانوۆ جانە جانبولات دوسمۇحامبەتوۆ ارىپتەستەرىنە ۇزاق ومىر تىلەدى.

سونان سوڭ دانيار ساعىنعاليۇلى مەن نۇربولات مۇساعاليەۆ كۇي تارتىسىنا ءتۇسىپ، قوناقتاردىڭ كوڭىلىن بىر كوتەرىپ تاستادى.

قۇربىلارى اتىنان نينا توكارەۆا مەن اننا كوزمودەميانسكايا قامقا اپايعا جاقسى تىلەكتەرىن ايتىپ، جىلى لەبىزدەرىن ءبىلدىردى.

ءانشى اسقار كوشەروۆ «ماما»، «ارىس جاعاسىندا» اندەرىن ورىنداپ بەردى.

 ارداگەر مۇنايشىلار ساعىن قىرىمقۇلوۆ، ساعىنباي قىزىلۇلى جانە تيمۋر تەمىرعاليەۆ، تۋىستارى امانتاي جۇماعاليەۆ جانە قانات الدياروۆ توقساننىڭ تورىنە شىعىپ وتىرعان سوعىس جانە ەڭبەك ارداگەرىنە جۇرەكجاردى سوزدەرىن ارنادى.

قامقا اپايدىڭ قۇرمەتىنە ايسۇلۋ قۇداباەۆا «ءاليا»، «شالقىمالى»، «پودموسكوۆنىە ۆەچەرا» اندەرىن ورىنداسا، «قوساي» توبى مەن بايانشى ماحمۇد ارداگەرلەرگە ونەرلەرىن سىيعا تارتتى.

ماڭعىستاۋ مۇنايىنىڭ مايتالمانى قامقا ۇمبەتالينا جەرلەستەرىنىڭ سىي-قۇرمەتىنە ءدان ريزا بولدى.

Abai.kz