"2023 جىلعى قىلمىستىق ىستەر بويىنشا تاركىلەنگەن قارۋ-جاراق ۇرلىعىنا قاتىستى جۇرگىزىلگەن قىزمەتتىك تەكسەرۋ قورىتىندىسى بويىنشا تارتىپتىك كوميسسيانىڭ ۇسىنىسىنا سايكەس، ىشكى ىستەر ءمينيسترىنىڭ بۇيرىعىمەن الماتى قالاسى ءىىد جانە ونىڭ بىرقاتار باسشىلارى قىزمەتتەرى قىزمەتىنەن بوساتىلدى" دەپ جازىلعان حابارلامادا.
Orda.kz پورتالىنىڭ حابارلاۋىنشا، الماتى قالالىق پوليتسيا دەپارتامەنتىنىڭ باسشىلارى اۋىسقان. اتاپ ايتقاندا، قازاقستان ىشكى ىستەر ءمينيسترىنىڭ بۇيرىعى بويىنشا الماتى پوليتسيا دەپارتامەنتى باستىعىنىڭ جەدەل قىزمەت بويىنشا ورىنباسارى مىندەتىن ۋاقىتشا اتقارۋشى بولىپ پوليتسيا پولكوۆنيگى قۋات ناۋاتوۆ (د.احانوۆتى الماستىردى) تاعايىندالعان. پوليتسيا دەپارتامەنتى باستىعىنىڭ تەرگەۋ قىزمەتى بويىنشا ورىنباسارى مىندەتىن ۋاقىتشا اتقارۋشى – پوليتسيا پولكوۆنيگى رۋستام شاريباەۆ (ك.نۇرماعامبەتوۆتى الماستىردى), دەپارتامەنت باستىعىنىڭ جالپى ماسەلەلەر بويىنشا ورىنباسارى مىندەتىن ۋاقىتشا اتقارۋشى – ەرجان ۇزاباەۆ (د.ۋتەباەۆتى الماستىردى), دەپارتامەنت باستىعىنىڭ جالپى قاۋىپسىزدىك بويىنشا باسقارما جەتەكشىسى مىندەتىن ۋاقىتشا اتقارۋشى پوليتسيا پولكوۆنيگى قايرات ءامىروۆ (ە.جۋمابايدى الماستىردى) تاعايىندالعان.
سايتتىڭ جازۋىنشا، تىل جاعىنان قامتاماسىز ەتۋ باسقارماسىنىڭ باستىعى م.مۇقىشەۆ، ورىنباسارى د.راحمانوۆ، جەدەل قىلمىس ءبولىمىنىڭ جەتەكشىسى ە.قۇلمۇحامبەتوۆ جانە ونىڭ ورىنباسارى ا.ازىمباەۆ، تەرگەۋ باسقارماسىنىڭ جەتەكشىسى د.مەڭدەباەۆ قىزمەتىنەن بوساتىلعان.
پوليتسيا دەپارتامەنتىنىڭ باسشىسى زاپپاروۆ قىزمەتىندە قالعان.
قاڭتار سوڭىندا الماتى پوليتسيا دەپارتامەنتى 2023 جىلى قىلمىستىق ىستەر بويىنشا، سونىمەن بىرگە حالىقتان قارۋلاردى ساتىپ الۋ اكتسياسى اياسىندا تاركىلەنگەن قارۋلاردىڭ جوعالعانى جونىندە حابارلاعان. قىلمىستىق ءىس قوزعالعان. كۇدىكتى ۋاقىتشا قاماۋ يزولياتورىنا قامالعان.
Abai.kz
