ەلىمىزدەگى جانارماي مەن ديزەلگە شەكتى باعا ەنگىزىلەتىن بولدى. بۇل تۋرالى اشىق نقا پورتالىندا ەنەرگەتيكا مينيسترلىگى حابارلادى.

جانار-جاعار ماي قۇيۋ ستانسالارىندا مۇناي ونىمدەرىنە شەكتى باعالاردى بەلگىلەۋ تۋرالى بۇيرىعىنا وزگەرىستەر ەنگىزۋدىڭ جوباسى جاريالاندى.

“باعالارىنا مەملەكەتتىك رەتتەۋ بەلگىلەنگەن ستاتسيونارلىق اۆتو جانار-جاعار ماي قۇيۋ ستانتسيالارى ءۇشىن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ 2015 جىلعى 19 مامىرداعى № 361 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11165 بولىپ تىركەلگەن) مىناداي وزگەرىس ەنگىزىلسىن”، - دەلىنگەن بۇيرىق ماتىنىندە.

اي-80 ماركالى بەنزين – 1 ليتر ءۇشىن 89 تەڭگە;
اي-92 جانە اي-93 ماركالى بەنزين – 1 ليتر ءۇشىن 205 تەڭگە;
ديزەل وتىنى (جازعى، ماۋسىمارالىق) – 1 ليتر ءۇشىن 295 تەڭگە.

اتالعان جاڭاشىلدىقتى قوعامدىق تالقىلاۋ 2024 جىلعى 28 اقپانعا دەيىن جالعاسادى.

Abai.kz