ۇلتتىق بىرىڭعاي تەستىلەۋدىڭ زاڭمەن قورعالاتىن اقپاراتىن كوشىرىپ العان ادامدارعا ۇكىم شىقتى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى جاريا ەتتى، دەپ حابارلايدى Abai.kz.

«س»، «ج» جانە «ن» ەسىمدى ازاماتتار 2023 جىلى عىلىم جانە جوعارى ءبىلىم مينيسترلىگىنىڭ ۇلتتىق تەستىلەۋ ورتالىعىنىڭ زاڭمەن قورعالاتىن اقپاراتىنا زاڭسىز قول جەتكىزىپ، كوشىرىپ العان. ولاردىڭ ۇلتتىق بىرىڭعاي تەستىلەۋدىڭ، پەداگوگتار مەن ماگيسترانتتاردىڭ ءبىلىمىن باعالاۋدىڭ وتكىزىلۋىنە قول سۇققانى دالەلدەنگەن.

ايىپتالۋشىلار قىلمىستىق كودەكستىڭ 205-بابى 2-بولىمىمەن جانە 208-بابى 2-بولىگىمەن قاراستىرىلعان قىلمىستاردى جاساعانى ءۇشىن كىنالى دەپ تانىلعان. «س»، «ج» جانە «ن» قاتىستى قاراعاندى قالاسى قازىبەك بي اۋداندىق سوتى مەن وسكەمەن قالاسى № 2 سوتىنىڭ ۇكىمدەرى زاڭدى كۇشىنە ەنگەن.

– ولاردىڭ اربىرەۋىنە 1 جىل باس بوستاندىعىنان شەكتەۋ جازاسى بەلگىلەندى، سونداي-اق اقپاراتتىق تەحنولوگيا جانە تەلەكوممۋنيكاتسيا جەلىلەرى سالاسىندا لاۋازىمدى قىزمەتكە تۇرۋ قۇقىقتارىنان 3 جىل مەرزىمگە ايىرىلدى، – دەلىنگەن ۇقك حابارلاماسىندا.

Abai.kz