مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىندا:ساپالى ورتا ءبىلىم الۋ – ءاربىر بالانىڭ مىزعىماس قۇقىعى. مۇنداعى ەڭ ءتۇيىندى ءسوز – «ساپا». سوندىقتان ءبىلىم ساپاسىن جاقسارتۋ جانە مۇعالىمدەردىڭ بىلىكتىلىگىن ارتتىرۋ اۋاداي قاجەت. بارىنە بىردەي ءبىلىم بەرۋ ءۇشىن ينتەرنەت جىلدامدىعى جوعارى جانە ءبىلىم بەرۋدىڭ تسيفرلى رەسۋرستارى تەگىن ءارى قولجەتىمدى بولۋى شارت. ءبىلىم بەرۋ جۇيەسى ەڭبەك نارىعىنىڭ سۇرانىسىنا قاراي وزگەرىپ وتىرۋى كەرەك، – دەگەن ەدى.

بۇگىنگى الەم دامۋىنىڭ جاڭا ۇستانىمى ءبىلىم بەرۋ جۇيەسىنىڭ ەكونوميكالىق، الەۋمەتتىك-مادەني وزگەرىستەرگە مەيلىنشە بەيىم بولۋىن تالاپ ەتەدى. الەم قازىر «ءبىلىم قوعامىن» جانە «ءبىلىم ەكونوميكاسىن» قۇرۋ باعىتىندا. 

قازىرگى ۋاقىتتا اقپاراتتىق-كوممۋنيكاتسيالىق تەحنولوگيا­لاردىڭ زاماناۋي تالاپتارعا ساي ­دامۋى ءبىلىمدى باعالاۋ جانە پايدالانۋ جۇيەسىن ۋاقىتىلى وزگەرتىپ ­وتىرۋدى تالاپ ەتەدى. وسىعان بايلانىستى وقىتۋدا قولدانىلاتىن ءادىس-ءتاسىل، ادىستەمە، تەحنولوگيالار ءبىلىم بەرۋ تالاپتارىنا بايلانىس­تى جاڭارتىلىپ وتىرادى. ساپالى تەرەڭ ءبىلىمدى مەڭگەرۋگە تالپىنعان وسكەلەڭ ۇرپاقتىڭ جەتكىلىكتى ءدا­رەجەدە ساندىق ساۋاتتىلىعى بار، سەبەبى ولار ءومىر جاعدايلارى بارىسىندا جاڭا تەحنولوگيانىڭ بارلىق مۇمكىندىگىن پايدالانادى. سول مۇمكىندىكتى ناتيجەلى قولدانۋ وقىتۋشىلاردىڭ بىلىكتىلىگىنە، بىلىمىنە، تاجىريبەسىنە بايلانىستى.

بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى  كونتسەپتسياسىنىڭ 4 ءبولىمى -ساپالى  ءبىلىم ەكەن العا تارتقىم كەلەدى.   ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى. سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس. بۇگىندە وقىتۋشىلاردىڭ  بىلىكتىلىگىن كوتەرۋ جۇمىستارىن جانداندىرۋ جانە ءبىلىم ساپاسىن جاقسارتۋ جولدارى بىرىزدىلىكپەن جۇيەلى جولعا قويىلىپ كەلەدى.وسى جايتتاردى ەسكەرە وتىرا، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىنىڭ وقىتۋشىلار قۇرامى ساپالى ءبىلىم بەرۋ ماقساتىندا ايانباي ەڭبەك ەتۋدە.  جاستارعا ساپالى ءبىلىم بەرۋ، عىلىمي باعىتىن ايقىنداۋ، جاڭاشىل يدەيالارىن قولداۋ ءبىزدىڭ باستى مىندەتىمىز. جاستاردىڭ ماماندىقتى دۇرىس تاڭداۋى، ساپالى ءبىلىم الۋى — وزەكتى ماسەلە. سەبەبى، ەلىمىزدىڭ دامۋى، ءوسىپ-وركەندەۋى جاستاردىڭ ماماندىق تاڭداۋىنا، ءوزى تاڭداعان كاسىپكە دەگەن ىنتاسىنا، العان بىلىمىنە بايلانىستى جانە وسى ماسەلەگە ەرەكشە كوڭىل بولگەن ءجون.

ساپالى ءبىلىم بەرۋ– اسا قۇندى كاپيتال. سوندىقتان ينۆەستيتسيا سالۋ ءوزىڭدى شىڭداپ قانا قويماي، ەلگە، وتانعا قىزمەت ەتەتىن ماڭىزدى قادام ەكەنىن ەستەن شىعار­ماۋ كەرەك. ەڭ ءبىلىمدى ماماندارى بار مەملەكەتتە ءومىر ءسۇرۋدىڭ بارلىق جاعدايى تۇراقتى ءارى ساپالى بولادى. ول ءسىز بەن ءبىزدىڭ دەنساۋلىعىمىزدى، ءومىرىمىزدى ۇزار­تاتىن بىردەن-ءبىر فاكتور. سوندىقتان پرە­زيدەنت جولداۋىنداعى ساپالى ءبىلىم بەرۋ قاعيداتى ءار ۋاقىتتا جاۋاپكەرشىلىگى مول مىندەت.

يبراەۆا ا.س.

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ  پروفەسسورى،ز.ع.د

اكىمجان ن.ق.

ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ماگيسترانتى

Abai.kz