تاشيەۆ وسى قىزمەتكە ۇسىنىلعان جالعىز ۇمىتكەر، دەلەگاتتار وعان ءبىراۋىزدان داۋىس بەردى. تاشيەۆتى فۋتبول وداعىنىڭ پرەزيدەنتى قىزمەتىنە «تالانت» فۋتبول كلۋبى ۇسىندى.

«فۋتبول ۇيىمىنىڭ پرەزيدەنتى رەتىندەگى باستى مىندەتىم – ءبىزدىڭ جۇمىسىمىز ءۇشىن بارلىق جاعدايدى جاساۋ» دەپ مالىمدەدى تاشيەۆ.

ول بىشكەكتە ەكى جىل ىشىندە جاڭا ستاديون تۇرعىزۋدى كوزدەپ وتىر. «قۇرىلىس 10-15 كۇننەن كەيىن باستالادى. 40 مىڭ ادامدىق ستاديون ەكى جىلدا بوي كوتەرەدى» دەيدى ول.

تاشيەۆتىڭ فۋتبول وداعى پرەزيدەنتى قىزمەتىنىڭ مەرزىمى 2026 جىلى ساۋىردە اياقتالادى. تاشيەۆ تاعى ەكى مەملەكەتتىك قىزمەت اتقارىپ ءجۇر. ول 2020 جىلى ۇقمك-ءنى باسقارسا، 2021 جىلى ۇكىمەت باسشىسىنىڭ ورىنباسارى بولعان.

تاشيەۆكە فۋتبول وداعىن باسقارۋدى پرەزيدەنت سادىر جاپاروۆ ۇسىنعان. مەملەكەت باسشىسىنىڭ پىكىرىنشە، وداق باسىندا قاتال ادام تۇرماسا، فۋتبولدان ناتيجە شىقپايدى.

Abai.kz