قازاقستاندا سەمىزدىك، قانت ديابەتىمەن اۋىرعاندار كوبەيىپ، سەمىزدىككە شالدىققان بالالار دا ارتىپ كەتكەن. سول ءۇشىن قۇرامىندا قانتى بار سۋسىندار قىمباتتايدى، دەپ قازاقستاننىڭ مەملەكەتتىك سانيتارلىق دارىگەرى ايجان ەسماعامبەتوۆا مالىمدەدى.

دەنساۋلىق ساقتاۋ مينيسترلىگى قۇرامىندا قانت بار سۋسىندارعا اكتسيز ەنگىزۋدى ۇسىنىپ وتىر.

– ارتىق دەنە سالماعى – بۇل سوزىلمالى اۋرۋلاردىڭ دامۋىنىڭ العىشارتى. بۇل رەتتە ءبىز جارتى ليتر "كوكا-كولا" قۇرامىندا، ەگەر مەن قاتەلەسپەسەم، قانتتىڭ 10 تاۋلىكتىك دوزاسى بار ەكەنىن كورەمىز. شارتتى تۇردە بالا كولا ءىشىپ، ون ەسە كوپ قانت تۇتىنادى.  سونداي-اق، ءبىز قانتتى بارلىق ونىمدەرمەن الاتىنىمىزدى بىلەمىز، - دەپ ءتۇسىندىردى ەسماعامبەتوۆا.

مۇنداي اكتسيزدەر قازىرگى تاڭدا كوپ ەلدە ەنگىزىلگەن.

– قانت قوسىلعان سۋسىندارعا سالىناتىن سالىقتار تۇتىنۋدى ازايتۋعا مۇمكىندىك بەرەتىن شارالاردىڭ ءبىرى. ارينە، بۇل شارالارعا قوسىمشا تاڭبالاۋدى ەنگىزۋ، اقپاراتتىق-ءتۇسىندىرۋ جۇمىستارىن مىندەتتى جۇرگىزۋ جانە ەڭ باستىسى، بالالاردا تاماقتانۋ ادەتتەرىن قالىپتاستىراتىن اتا-انالارمەن جۇمىس ىستەۋىن جاتقىزۋعا بولادى، - دەپ تولىقتىردى ۆيتسە-مينيستر.

ايجان ەسماعامبەتوۆا تاماقتانۋ ادەتتەرى بەس جاسقا دەيىنگى بالالاردا قالىپتاساتىنىن اتاپ ءوتتى. سوندىقتان بۇل ماسەلەدە اتا-انالاردىڭ وزدەرى، وتباسى ىشىندەگى جانە ودان تىس تاماقتانۋ ەرەجەلەرى ماڭىزدى.

Abai.kz