قازاق وپەراسىنىڭ قۇلاگەرى - ەرمەك سەركەباەۆ دۇنيەدەن ءوتتى
قازاق وپەراسىنىڭ قۇلاگەرى - ەرمەك سەركەباەۆ دۇنيەدەن ءوتتى
قازاق وپەرا ونەرىنىڭ شوق جۇلدىزى ەرمەك سەركەباەۆ 88-گە قاراعان شاعىندا دۇنيە سالدى.
ەرمەك بەكمۇحامەدۇلى قازاق وپەرا ونەرىنىڭ دامۋىنا ۇلكەن ۇلەس قسوىپ، حالىق ىقىلاسىنا بولەنگەن ەرەن تالانت يەسى. بىرنەشە بۋىن ۇرپاق ايلىگى قازاق وپەراسىنىڭ جاۋھارلارىن سەركەباەۆتىڭ داۋسىمەن تانىپ، جۇرەگىنە ۇيالاتتى. قازاق وپەراسىنىڭ بۇگىنگى جەتىستىگى ءھام تاريحى سەركەباەۆ ەسىمىمەن تىعىز بايلانىستى.
Abai.kz توبى مارقۇمنىڭ وتباسى، اعايىن-تۋىستارى، ونەردەگى اعا-ىنىلەرى، شاكىرتتەرىنىڭ قايعىسىنا ورتاقتاسا وتىرىپ، كوڭىل ايتادى.
Abai.kz
ەرمەك بەكمۇحامەدۇلى سەركەباەۆ 1926 جىلى 4-ءنشى شىلدەدە، قىزىلجار قالاسىندا دۇنيەگە كەلگەن.
قازاق وپەراسىنىڭ قۇلاگەرى - ەرمەك سەركەباەۆ دۇنيەدەن ءوتتى
قازاق وپەرا ونەرىنىڭ شوق جۇلدىزى ەرمەك سەركەباەۆ 88-گە قاراعان شاعىندا دۇنيە سالدى.
ەرمەك بەكمۇحامەدۇلى قازاق وپەرا ونەرىنىڭ دامۋىنا ۇلكەن ۇلەس قسوىپ، حالىق ىقىلاسىنا بولەنگەن ەرەن تالانت يەسى. بىرنەشە بۋىن ۇرپاق ايلىگى قازاق وپەراسىنىڭ جاۋھارلارىن سەركەباەۆتىڭ داۋسىمەن تانىپ، جۇرەگىنە ۇيالاتتى. قازاق وپەراسىنىڭ بۇگىنگى جەتىستىگى ءھام تاريحى سەركەباەۆ ەسىمىمەن تىعىز بايلانىستى.
Abai.kz توبى مارقۇمنىڭ وتباسى، اعايىن-تۋىستارى، ونەردەگى اعا-ىنىلەرى، شاكىرتتەرىنىڭ قايعىسىنا ورتاقتاسا وتىرىپ، كوڭىل ايتادى.
Abai.kz
ەرمەك بەكمۇحامەدۇلى سەركەباەۆ 1926 جىلى 4-ءنشى شىلدەدە، قىزىلجار قالاسىندا دۇنيەگە كەلگەن.
ءۇشىنشى سىنىپتان كەيىن الماتىداعى № 54 مەكتەپتە وقۋىن جالعاستىرعان ەرمەك سەركەباەۆ جەتىنشى سىنىپقا كوشكەندە پ. ي. چايكوۆسكي اتىنداعى مۋزىكالىق ۋچيليششەگە اۋىستى. 1941—1943 جىلدارى پ. چايكوۆسكي اتىنداعى الماتى مۋزىكالىق ۋچيليششەسىندە سكريپكا كلاسى بويىنشا وقىعان سەركەباە وتباسىنىڭ ماتەريالدىق جاعدايى قيىنداعاندىقتان، وقۋىن تاستاپ كەتۋگە ءماجبۇر بولدى. تاعدىر ونى راديوعا ديكتورلىققا اكەلدى، وعان قوسا كينوستۋديادا قىزمەت اتقاردى. ونىڭ وپەراعا كەلۋىنە حور جەتەكشىسى انتون ماكسيموۆيچ موسكالەنكو اسەر ەتتى. سەركەباەۆتىڭ سكريپكادا ويناي بىلەتىنىن ەستىگەن موسكالەنكو ونى حورعا انشىلىككە شاقىردى. ەرمەك بىردەن ايگىلى وپەرالارداعى كلاسسيكالىق اريالاردى ورىنداي باستادى. ماسكەۋدە اندەرىن ۇنتاسپاعا جازدىردى. سول كەزدە لەۆينتانمەن تانىسادى.
1946 جىلى كونسەرۆاتورياعا قابىلدانادى. ە. سەركەباەۆ كونسەرۆاتوريانى 1951 جىلى كۋرگانوۆتىڭ سىنىبىندا تامامداعان سوڭ وپەرا جانە بالەت تەاترىنا ورالادى. كونسەرۆاتوريانى بىتىرەر جىلى اباي ءرولىن ورىندايدى. ودان ءارى «ەۆگەني ونەگين» وپەراسىندا – ەۆگەني، «تراۆياتاداعى» — جەرمون رولدەرىن جوعارى دارەجەدە شىرقايدى. كەلەسى ءرولى — «سەۆيل شاشتارازىنداعى» - فيگارو.
1951 جىلى قۇرمانعازى اتىنداعى الماتى كونسەرۆاتورياسىن (ۆوكال بويىنشا) بىتىرگەن. ستۋدەنت كەزىندە اباي اتىنداعى وپەرا جانە بالەت تەاترىنىڭ شىعارماشىلىق ۇجىمىنا قىزمەت ىستەگەن. اباي پارتياسىن (ا. جۇبانوۆ پەن ل. حاميدي، «اباي») ورىنداعان. «1973» جىلى الماتى كونسەرۆاتورياسىنىڭ جەكە داۋىستا ءان ايتۋ كافەدراسىنىڭ وقىتۋشىسى بولعان.
سەركەباەۆ ورىنداعان پارتيالاردىڭ ىشىندە قوجاعۇل، امانگەلدى (م. تولەباەۆ، «ءبىرجان مەن سارا»; م.تولەباەۆ جانە ە.برۋسيلوۆسكي، «امانگەلدى»), اباي، سەركە (ا.جۇبانوۆ پەن ل.حاميدي، "اباي"; س.مۇحامەدجانوۆ، "ايسۇلۋ"), تارعىن، ارتەم (ە.برۋسيلوۆسكي، "ەر تارعىن", "دۋداراي"), ونەگين، ەلەتسكي (پ.چايكوۆسكي، "ەۆگەني ونەگين", "پيكوۆايا داما"), پەترۋچچيو (ۆ.شەبالين، "ۋكروششەنيە ستروپتيۆوي"), فيگارو (دج.روسسيني، "سەۆيلسكي تسيريۋلنيك"), ۆالەنتين ("فاۋست"), ت.ب. بار. ءانشى رەپەرتۋارىندا قازاقتىڭ حالىق اندەرى، ورىس جانە شەت ەل كومپوزيتورلارىنىڭ شىعارمالارى بار. شەت ەلدەردە (رۋمىنيا، پاكستان، فرانتسيا، ءۇندىستان، قىتاي، بەلگيا، كۋبا، شۆەيتساريا، شۆەتسيا، فينليانديا، ت.ب.) ونەر كورسەتكەن. كينوعا دا تۇسكەن ء("بىزدىڭ سۇىكتى دارىگەر", "تاقيالى پەرىشتە", ت.ب.). 7-شاقىرىلعان كسرو جوعارعى كەڭەسىنىڭ، 8-11-شاقىرىلعان قازاق كسر جوعارعى كەڭەسىنىڭ دەپۋتاتى. ۆوكاليستەر كونكۋرسىنىڭ (بۋداپەشت، 1953) لاۋرەاتى. كسرو مەملەكەتتىك سىيلىعىنىڭ (1977) جانە قازاق كسر مەملەكەتتىك سىيلىعىنىڭ (1972) يەگەرى. "مۋزىكا" نوميناتسياسى بويىنشا 2000 ج. "تارلان" سىيلىعىن جەڭىپ العان. "وتان" ، 2 مارتە لەنين، قازان رەۆوليۋتسياسى، ەڭبەك قىزىل تۋ وردەندەرىمەن جانە مەدالدەرمەن ماراپاتالعان.
