ەكس-مينيسترگە "قيناۋ" (110-باپتىڭ 2-بولىگى) جانە "اسا قاتىگەزدىكپەن ادام ءولتىرۋ" (99-باپتىڭ 2-بولىگى) باپتارىمەن ايىپ تاعىلعان.
سالتانات نۇكەنوۆا قازاسى بويىنشا ۇستالعان "گاسترو-ورتالىق" ديرەكتورى، بيشىمباەۆتىڭ تۋىسى دەلىنگەن ازاماتقا "قىلمىستى جاسىرىپ قالۋ" (432-باپ) جانە "قىلمىستى حابارلاماۋ" بابى (434-باپ) بويىنشا ايىپ تاعىلعان. باق-تا ونىڭ ەسىمى باقىتجان بايجانوۆ دەپ بەرىلگەن.
وتكەن اپتادا قۋاندىق بيشىمباەۆتىڭ ادۆوكاتتارى بەرگەن سۇحبات جەلىدە قىزۋ تالقىعا ءتۇستى. ولار قاماۋداعى بيشىمباەۆ "ايىپتى مويىندامايتىنىن، ەكس-مينيستر مارقۇم ايەلى سالتاناتتى جوقتاپ جۇرگەنىن" ايتتى.
سالتانات نۇكەنوۆانىڭ تۋعان اعاسى ايتبەك امانگەلدى جەلىدەگى پاراقشاسىنا مارقۇم سالتاناتتى بيشىمباەۆ ۇرىپ، تەۋىپ جاتقان ءسات كورىنەدى دەگەن سكريندەردى جاريالادى. امانگەلدىنىڭ جازۋىنشا، مەديتسينالىق ساراپتاما مارقۇم سالتانات باسىنان 13 سوققى العان دەگەن قورىتىندى جاساعان.
Abai.kz
