الماتىداعى رەسەي فەدەراتسياسىنىڭ باس كونسۋلدىعى 17 ناۋرىزدا وتەتىن رەسەيدىڭ پرەزيدەنت سايلاۋىنا قاتىستى ۇندەۋ جولدادى.

17 ناۋرىزدا باس كونسۋلدىقتىڭ اۋماعىندا (الماتى، جامبىل، جەتىسۋ، تۇركىستان، قىزىلوردا وبلىستارى، الماتى، شىمكەنت قالالارى) سايلاۋعا بايلانىستى داۋىس بەرۋ وتەدى، - دەدى الماتىداعى رەسەي فەدەراتسياسىنىڭ باس كونسۋلدىعى.

حابارلاماعا سايكەس، داۋىس بەرۋ 08:00-دە باستالىپ، 20:00-دە اياقتالادى.

الماتى قالاسى، جاندوسوۆ كوشەسى، 4 مەكەن جايى بويىنشا رەسەي باس كونسۋلدىعىنىڭ عيماراتىندا ورنالاسقان №8133 سايلاۋ ۋچاسكەسى مەن №8134 سايلاۋ ۋچاسكەسىندە داۋىس بەرۋگە بولادى، - دەپ مالىمدەدى كونسۋلدىقتان.

Abai.kz