ەندى تۇرمىستىق زورلىق-زومبىلىق قۇرباندارىنا ۋاقىتشا تۇراقتايتىن مەكەن بەرىلەدى, دەپ حابارلايدى Abai.kz اقپارات پورتالى.

ءماجىلىس ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا زاڭدى  قابىلدادى.

اتاپ ايتقاندا، تۇزەتۋلەردە دەنساۋلىققا جەڭىل زيان كەلتىرۋگە، ۇرىپ-سوعۋعا، ون التى جاسقا تولماعاندارعا جىنىستىق سيپاتتاعى قىسىم كورسەتۋگە، ءسۋيتسيدتى ناسيحاتتاۋعا جانە باسقا دا ارەكەتتەرگە قىلمىستىق جاۋاپكەرشىلىك كوزدەلگەن.

ەندى وتباسىن قولداۋ ورتالىقتارىندا تۇرمىستىق زورلىق-زومبىلىق بەلگىلەرى بار ادامدارعا ۋاقىتشا تۇرۋ مۇمكىندىگى بەرىلەدى.

دەنساۋلىققا جەڭىل زيان كەلتىرگەنى ءۇشىن قىلمىستىق قۇقىق بۇزۋشىلىق جاساعان ادامداردى ۇستاۋ ءتارتىبى رەتتەلەدى. سوتتالعان نەمەسە تاتۋلاسۋىنا بايلانىستى قىلمىستىق جاۋاپتىلىقتان بوساتىلعان ادامدارعا سوت بەلگىلەگەن ارنايى تالاپتاردى قولدانۋ شارالارى دا ناقتىلاندى.

سونداي-اق ۇكىمەتتىڭ ۇسىنىسىمەن وبلىستاعى، رەسپۋبليكالىق ماڭىزى بار قالالارداعى جانە استاناداعى بالا قۇقىقتارى جونىندەگى ۋاكىلدەردىڭ قىزمەتىن رەتتەۋگە قاتىستى وزگەرىستەر ەنگىزىلدى.