ءماجىلىس دەپۋتاتى رينات زايىتوۆ ايەلىن ولتىرگەن قۋاندىق بيشىمباەۆ حالىقتىڭ پىكىرىن وزگەرتۋگە تىرىسىپ جاتىر، دەپ حابارلادى.

«قۋاندىق بيشىمباەۆ دەگەن ەسكى جۇيەدە جۇمىس ىستەپ، قوعامدى قالاي الداۋدى كەرەكتىگىن جاقسى بىلەدى. قوعامدىق پىكىردى بۇرۋدى وتە جاقسى مەڭگەرگەن ادام. قازىر كەزدە قايتىس بولعان نۇكەنوۆا حانىمنىڭ تاراپىنا جاسالىپ جاتقان شابۋىلدار – سول اۋلەتتىڭ قوعامدىق پىكىردى قالاي بۇرمالاۋدى جاقسى مەڭگەرگەنىنىڭ كورىنىسى. ولار سونىمەن قاتار جەلىدە سالتانات نۇكەنوۆانىڭ اعاسى بيشىمباەۆتىڭ 10 جاسار قىزىن زورلاماق بولعان دەگەن اقپارات تاراتتى. مۇنىڭ ءبارى مانيپۋلياتسيا»، - دەيدى رينات زايىتوۆ.

سونداي-اق ول اقپاراتتىق تارتىس زامانىندا جابىرلەنۋشى تاراپتىڭ ۇتىلىپ جاتقاندىعىن دا اشىق ايتىپ، قازاقستاندا ادىلەتتى سوتتىڭ بار ەكەنىنە دە سەنبەيتىنىن جەتكىزدى.

«ءبىزدىڭ سوت جۇيەسى جەكە مەملەكەت سەكىلدى جۇمىس ىستەيدى. ءىستى اشقىسى كەلسە اشادى، جاپقىسى كەلسە جابادى. حالىقتىڭ قاتىسۋىمەن اشىق سوت جاساۋ كەرەك دەيتىندەي، بيشىمباەۆ دەگەن وپپوزيتسيالىق تۇلعا ما؟ حالىقتىڭ ءسوزىن سويلەگەن ادام با؟ ءجابىر كورگەن ادام با»، - دەيدى رينات زايىتوۆ.

Abai.kz