الماتى وبلىسىنىڭ ورتالىعى تالدىقورعان قالاسىنداعى ناركولولوگيالىق ديسپانسەر وتقا ورانىپ جانىپ كەتتى. ديسپانسەردە جاتقان ەمدەلۋشىلەردىڭ اراسىنداعى 37 ادامنىڭ مۇردەسى كۇلگە اينالىپ، 10 ادام اۋرۋحاناعا حال ۇستىندە جەتكىزىلدى.

اجالعا ارانىن اشقان قىزىل جالىن جەكسەنبى كۇنى تاڭعى ساعات 05. 28 مينۋتتا بۇرق ەتە قالعان كورىنەدى.  ارادا ءبىر مينۋت وتكەندە شاتىرلاپ جانا باستاعان ناركوديسپانسەرگە ارنايى كولىك پەن 12 ادامنان تۇراتىن  ءورت ءسوندىرۋشى كەلىپ جەتەدى. الايدا، 1951 جىلى ورتاسىنا اعاش ۇگىندىسى مەن قامىس تولتىرىلىپ، ەكى جاعى جۇقا تاقتايشالارمەن قاپتالعان قۇرىلىس ماتەريالىنان تۇرعىزىلعان عيماراتتىڭ  650 شارشى مەترى تۇتاستاي جانىپ 12 ادامعا بوي بەرمەيتىن كادىمگى ورتكە اينالاسا كەرەك.  تالدىقورعاندىق ءورت سوندىرۋشىلەردىڭ الاپات جالىندى اۋىزدىقتاۋعا مۇرشاسى جەتپەيتىنى انىقتالىسىمەن، تالدىقورعان قالاسى ماڭىنداعى ەسكەلدى جانە كوكسۋ اۋداندارىنىڭ  ءورت ءسوندىرۋ بولىمدەرى دەرەۋ كومەككە ۇمتىلادى.  تاڭعى ساعات 5-تەن 56 مينۋت كەتكەندە الماتى وبلىسى اكىمىنىڭ باسشىلىعىمەن قۇرامىنا تالدىقورعان قالاسىنداعى بارلىق قۇزىرەتتى مەكەمە وكىلدەرى ەنگەن جەدەل شتاب تا قۇرىلىپ ۇلگەرىپتى.

توتەنشە جاعداي سالدارىنان ءورت تۋىنداعان كەزدە مەديتسينالىق مەكەمەدە بولعان  68 ناۋقاس پەن 5 مەديتسينا قىزمەتكەرىنىڭ 37-ءسى ءورت قامالىنان شىعا الماعاندىقتان قايعىلى قازاعا ۇشىرادى.

الماتى وبلىسىنىڭ ورتالىعى تالدىقورعان قالاسىنداعى ناركولولوگيالىق ديسپانسەر وتقا ورانىپ جانىپ كەتتى. ديسپانسەردە جاتقان ەمدەلۋشىلەردىڭ اراسىنداعى 37 ادامنىڭ مۇردەسى كۇلگە اينالىپ، 10 ادام اۋرۋحاناعا حال ۇستىندە جەتكىزىلدى.

اجالعا ارانىن اشقان قىزىل جالىن جەكسەنبى كۇنى تاڭعى ساعات 05. 28 مينۋتتا بۇرق ەتە قالعان كورىنەدى.  ارادا ءبىر مينۋت وتكەندە شاتىرلاپ جانا باستاعان ناركوديسپانسەرگە ارنايى كولىك پەن 12 ادامنان تۇراتىن  ءورت ءسوندىرۋشى كەلىپ جەتەدى. الايدا، 1951 جىلى ورتاسىنا اعاش ۇگىندىسى مەن قامىس تولتىرىلىپ، ەكى جاعى جۇقا تاقتايشالارمەن قاپتالعان قۇرىلىس ماتەريالىنان تۇرعىزىلعان عيماراتتىڭ  650 شارشى مەترى تۇتاستاي جانىپ 12 ادامعا بوي بەرمەيتىن كادىمگى ورتكە اينالاسا كەرەك.  تالدىقورعاندىق ءورت سوندىرۋشىلەردىڭ الاپات جالىندى اۋىزدىقتاۋعا مۇرشاسى جەتپەيتىنى انىقتالىسىمەن، تالدىقورعان قالاسى ماڭىنداعى ەسكەلدى جانە كوكسۋ اۋداندارىنىڭ  ءورت ءسوندىرۋ بولىمدەرى دەرەۋ كومەككە ۇمتىلادى.  تاڭعى ساعات 5-تەن 56 مينۋت كەتكەندە الماتى وبلىسى اكىمىنىڭ باسشىلىعىمەن قۇرامىنا تالدىقورعان قالاسىنداعى بارلىق قۇزىرەتتى مەكەمە وكىلدەرى ەنگەن جەدەل شتاب تا قۇرىلىپ ۇلگەرىپتى.

توتەنشە جاعداي سالدارىنان ءورت تۋىنداعان كەزدە مەديتسينالىق مەكەمەدە بولعان  68 ناۋقاس پەن 5 مەديتسينا قىزمەتكەرىنىڭ 37-ءسى ءورت قامالىنان شىعا الماعاندىقتان قايعىلى قازاعا ۇشىرادى.

تالدىقورعانداعى جايت استاناداعى اق جاعالى ۇلىقتاردى دا تاباندارىنان تىك تۇرعىزدى. سول كۇنى تاڭەرتەڭگىسىن قر  پرەمەر-ءمينيسترىنىڭ پارمەنىمەن تالدىقورعانداعى  ءورتتىڭ سەبەبىن تەرگەۋ-تەكسەرۋ جونىندەگى ۇكىمەتتىك كوميسسيا قۇرىلىپ، كوميسسياعا جەتەكشىلىك مىندەت پرەمەر-ءمينيستردىڭ ورىنباسارى سەرىك احمەتوۆكە جۇكتەلدى. ۇكىمەتتىك كوميسسيا  ءتۇس اۋا   تالدىقورعانعا ۇشىپ جەتتى.  كوميسسيا قۇرامىندا قر توتەنشە جاعدايلار جونىندەگى مينيستر ۆلاديمير بوجكو، دەنساۋلىق ساقتاۋ ءمينيسترى جاقسىلىق دوسقاليەۆ، الماتى وبلىسىنىڭ اكىمى سەرىك ۇمبەتوۆ، ەكونوميكا جانە بيۋدجەتتىك جوسپارلاۋ مينيسترلىگىنىڭ ۆيتسە-ءمينيسترى ت. سۇلەيمەنوۆ، ءىىم تەرگەۋ كوميتەتىنىڭ توراعاسى م. ءامىروۆ، ەڭبەك جانە الەۋمەتتىك قورعاۋ مينيسترلىگى الەۋمەتتىك قورعاۋ جانە باقىلاۋ جونىندەگى كوميتەتىنىڭ توراعاسى س. بيساقاەۆ، پرەمەر-مينيستر كەڭسەسى مەن ۋاكىلەتتى ورگانداردىڭ جاۋاپتى قىزمەتكەرلەرى كىرىپتى.

وقيعا بارىسىن دەرەۋ زەرتتەپ، ساراپتاۋعا كىرىسكەن كوميسسيا مۇشەلەرى جۋرناليستەرمەن كەزدەسۋلەرىنىڭ بارىسىندا قايتىس بولعان مارقۇمداردىڭ تۋىستارىمەن كەزدەسىپ، كوڭىل ايتقاندارىن، ەندى ولاردىڭ ارتىندا قالعان جاقىندارىنا ماتەريالدىق كومەك كورسەتۋگە مۇددەلى ەكەندەرىن ءبىلدىرىپ، ۋادە قىلدى.

جۋرناليستەرمەن جۇزدەسۋگە ۆيتسە-پرەمەر س. احمەتوۆ، توتەنشە جاعدايلار جونىندەگى مينيستر ۆ. بوجكو، دەنساۋلىق ساقتاۋ ءمينيسترى ج. دوسقاليەۆ جانە الماتى وبلىسىنىڭ اكىمى س. ۇمبەتوۆ قاتىسىپ، وقيعانىڭ جاي-جاپسارى جايلى انىقتالعان جايتتاردى بايانداپ، زالدان تۇسكەن ساۋالدارعا جاۋاپ  قايتارىپ وتىردى.

ۇكىمەتتىك كوميسسيا مۇشەلەرىمەن كەزدەسۋ بارىسىندا ءورتتىڭ كەسىرىنەن 37 ادام قازا تاۋىپ، ون ادامنىڭ اۋرۋحاناعا جەتكىزىلگەنى، ولاردىڭ ەكەۋىنىڭ دەنەسىن 80-90 پايىز كولەمدە ءورت شالعاندىقتان، ومىرلەرى قىل ۇستىندە تۇرعانى بەلگىلى بولدى. قازىرگى كەزدە وسى ەكى ادامدى امان الىپ قالۋعا وبلىستىڭ ەڭ بىلىكتى دەگەن دارىگەرلەرى جۇمىلدىرىپ، ولارعا الماتى قالاسىنان  مىقتى مەديتسينا قىزمەتكەرلەرى كومەككە جەتىپتى. ال قالعان سەگىزىنىڭ جاعدايى تۇراقتى، ءتيىستى ەم-دومدارىن الىپ جاتىر ەكەن. توتەنشە وقيعا كەزىندە قازا تاپقانداردىڭ 11-ءى تالدىقورعان قالاسىنىڭ تۇرعىنى بولسا، قالعاندارى وبلىستىڭ باسقا اۋداندارى مەن قالالارىنان بولىپ شىقتى.

توتەنشە جاعدايلار ءمينيسترى  وسىدان ءتورت اي بۇرىنعى تەكسەرۋ بارىسىندا ءورت قاۋىپسىزدىگى سىن كوتەرمەيتىن مەكەمەلەر قاتارىندا تالدىقورعانداعى ناركوديسپانسەردىڭ بولعانىن جوققا شىعارا المادى. الايدا، ول ءوز سوزىنەن تەز تايقىپ  اتالعان كەمشىلىكتەردىڭ بارلىعى جويىلىپ، قويىلعان تالاپتاردىڭ ورىندالا باستاعانىن ايتىپ «قىزىق» قىلدى. ويتكەنى كەمشىلىكتەردى جويماستان بۇرىن قاۋساعان عيماراتتىڭ ءوزى قاۋلاعان ءورتتىڭ قۇشاعىنا قۇلاپ جانىپ كەتتى ەمەس پە؟..  ارىپتەسىنىڭ اڭگىمەسى سۇيىلا باستاعانىن سەزگەندەي تاپ وسى كەزدە  دەنساۋلىق ساقتاۋ ءمينيسترى دوسقاليەۆ ونى ماقتاي جونەلىپ، «ەگەر توتەنشە جاعدايلار قىزمەتىنىڭ جەدەل دە، باتىل قيمىلدارى بولماعاندا قۇرباندار سانى بۇدان دا كوپ بولۋى مۇمكىن ەكەنىن» ەسكەرتتى. «ال زارداپ شەككەندەردىڭ بارلىعى ناۋقاسىنان ايىققانشا،  ەمدەۋمەن قامتاماسىز ەتەمىز» دەدى مينسيتر.

وقيعانىڭ باستى سەبەبى رەتىندە  ەسىك-تەرەزەسى تورلانعان مەكەمەدەگى ساقتىق شارالارىنىڭ  دۇرىس ۇيىمداستىرلماعانى باسا ايتىلدى. ايتكەنمەندە، ناركوديسپانسەردە جاتقانداردىڭ دەنى ءماجۇبۇرلى تۇردە ەم قابىلدايتىندىقتان ولاردىڭ وسى ورتكە قاتىسى بولۋى عاجاپ ەمەس دەگەن دە بولجامداردىڭ شەتى شىعىپ قالدى.

قايعىلى وقيعاعا بايلانىستى ءىرىلى-ۇساقتى شەنەۋنىكتەردىڭ ءبىرازى  جۋىق ارادا قاتاڭ سوگىس الىپ، قىزمەتىنەن قوش ايتىساتىن شىعار. تاياقتىڭ ءبىر ۇشى وبلىس اكىمى مەن توتەنشە جاعدايلار جونىندەگى مينيسترگە دە تيەرى داۋسىز. الايدا، ونىڭ ءبارى قاپىدا كەتكەن ادام عۇمىرىنىڭ ورىنىن تولتىرا الا ما؟

اباي-اقپارات.