جاھاندانۋ كەزەڭىندە باسەكەگە قابىلەتتى جانە سۇرانىسقا يە مامانداردى دايارلاۋ وتە ماڭىزدى. جوعارى وقۋ ورىندارىنداعى ءبىلىم ساپاسىن الەمدىك دەڭگەيگە ساي جەتىلدىرۋ قاجەتتىلىگىن ءومىردىڭ ءوزى تالاپ ەتىپ وتىر.

بو­لا­شاق دامۋىمىز ءبىلىم سالاسىندا يننوۆاتسيا جەتىستىكتەرىن كەڭىنەن پايدالانۋعا بايلانىستى. اسىرەسە ءبىلىم بەرۋ سالا­سىن­داعى كوپتەگەن وزگەرىس جوعارى وقۋ ورىندارىنداعى كۇردەلى ماسەلەلەردى انىقتاپ بەردى. بولاشاقتا دايارلاناتىن مامانداردىڭ ساپاسىنا، ۇزدىكسىز ءبىلىم مەن عىلىمي جەتىستىكتەردى يگەرۋدىڭ ۇلتتىق ەكونوميكاعا  تيگىزەتىن اسەرىنە، سالانى جەتىلدىرۋ ما­ڭىز­عا يە ەكەنى بارشاعا ءمالىم. قازىرگى كەزدە باس­قارۋدىڭ زاماناۋي ءادىس-ءتا­سىل­­دەرىن مەڭ­گەرگەن ماماندارعا دەگەن قاجەت­تىلىك كۇننەن-كۇنگە ارتىپ كەلەدى.

مەملەكەت باسشىسىنىڭ تاپسىرماسى بويىنشا مەملەكەتتىك باعدارلامالاردان ۇلتتىق جوبالار فورماتىنا كوشۋ جۇزەگە اسىرىلدى.

«ءبىلىمدى ۇلت» ساپالى ءبىلىم بەرۋ» ۇلتتىق جوباسىندا جەدەل شەشىمدەردى تالاپ ەتەتىن جانە حالىقتىڭ قاجەتتىلىگىن قامتاماسىز ەتۋگە باعىتتالعان ماسەلەلەردى شەشۋ جولى كوزدەلگەن. ۇلتتىق جوبادا بالالاردى مەكتەپكە دەيىنگى تاربيەمەن جانە وقىتۋمەن قامتۋ، قالالىق جانە اۋىلدىق مەكتەپتەر اراسىنداعى وقىتۋ ساپاسىنداعى الشاقتىقتى ازايتۋ، وقۋشى ورىندارىنىڭ تاپشىلىعى پروبلەمالارىن شەشۋ ءۇشىن مەكتەپ سالۋ، قاۋىپسىز جانە جايلى ءبىلىم بەرۋ ورتاسىن قۇرۋ جانە ت. ب. ماسەلەلەر جالعاسىن تاپتى.جوبا ساپالى ءبىلىم الۋعا قولجەتىمدىلىكتى كەڭەيتۋگە مۇمكىندىك بەرەدى، جوبانى ازىرلەۋ بارىسىندا قوعام وكىلدەرىمەن، ءبىلىم بەرۋ سالاسىنداعى ساراپشىلارمەن تالقىلانعانى دا بارشاعا ءمالىم. ۇلتتىق جوبا بەس مىندەتتەن قۇرالعان ءتورت باعىتتان تۇرادى.

بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ. تۇراقتى دامۋ ماقساتتارى  كونتسەپتسياسىنىڭ 4 ءبولىمى -ساپالى  ءبىلىم ەكەن العا تارتقىم كەلەدى. ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى. سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس. بۇگىندە وقىتۋشىلاردىڭ  بىلىكتىلىگىن كوتەرۋ جۇمىستارىن جانداندىرۋ جانە ءبىلىم ساپاسىن جاقسارتۋ ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى.

سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس. بۇگىندە وقىتۋشىلاردىڭ بىلىكتىلىگىن كوتەرۋ جۇمىستارىن جانداندىرۋ جانە ءبىلىم ساپاسىن جاقسارتۋ جولدارى بىرىزدىلىكپەن جۇيەلى جولعا قويىلىپ كەلەدى. وسى جايتتاردى ەسكەرە وتىرا، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىنىڭ وقىتۋشىلار قۇرامى ساپالى ءبىلىم بەرۋ ماقساتىندا ايانباي ەڭبەك ەتۋدە. ءار مەملەكەتتىڭ ەكونوميكالىق جانە الەۋمەتتىك تۇرعىدان دامۋىنىڭ تاعى ءبىر كورسەتكىشى – الەمدىك تاجىريبەگە سۇيەنگەن ءبىلىمدى مامان دايارلاۋمەن تىعىز بايلانىستى. ساپالى ءبىلىم بەرۋ – ءبا­سە­كەگە قابىلەتتى، وركەنيەتتى ەل بولۋدىڭ كە­پىلى. ادامزات تاريحىنداعى جەتىستىكتىڭ بار­­لىعى ءىلىم، عىلىمنىڭ جەمىسى ەكەندىگى ءسوز­­سىز.

سارتاەۆ س.ا.،

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ زاڭ عىلىمدارىنىڭ كانديداتى.

قاسىمبەك ءا.ج.،

ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ماگيسترانتى.

Abai.kz