بۇگىن پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن تۇزەتۋلەردى تالقىلادى.

وسى ارادا ايتا كەتەرلىك ۇلكەن ماسەلە، اتالعان زاڭ جوباسىندا ەتنيكالىق قانداستارىمىزدىڭ قازاقستان رەسپۋبليكاسىنىڭ ازاماتتىعىن الۋ ءۇشىن ەلىمىزدە مىندەتتى تۇردە بەس جىل تۇرۋ مەرزىمى بەلگىلەنگەن بولاتىن. قوعامدا ءتۇرلى پىكىرلەر تۋدىرعان بۇل مەرزىمدى سەنات ءتورت جىلعا ءتۇسىرىپتى.

ءماجىلىس سەنات ۇسىنعان تۇزەتۋلەرگە كەلىسىمىن بەرىپ، جوباعا «جول بولسىن» ايتىپ، ماقۇلداپ جىبەردى. سونىمەن، تاعى دا كوشى-قون ماسەلەسى كۇن تارتىبىنە شىقتى. قاداپ ايتارىمىز: جوبا زاڭ رەتىندە قابىلدانىپ، ەلباسى وعان قول قويىپ، پارمەن ەتسە، سىرتتان كوشىپ كەلىپ جاتقان اعايىندارىمىز ءتورت جىلعا دەيىن تاۋەلسىز قازاقستان رەسپۋبليكاسىنىڭ ازاماتتىعىنا يە بولا المايدى.

Abai.kz

سوڭعى تىلەك

قازاقستان رەسپۋبليكاسىنىڭ
تۇڭعىش پرەزيدەنتى
نۇرسۇلتان ابىشۇلى نازارباەۆقا

ءسىز ءبىزدى بالاماڭىز وسال ەرگە،
تۇلپارىن تۋعان حالقىم توسادى وردە.
قازاقتى ەل دەپ كەلگەن، ءسىز دەپ كەلگەن،
قايداعى كەلىمسەككە قوسا كورمە!

تاۋەلسىز ەلدە اتاتىن ءار تاڭ باقىت،
قيىنعا قىسىلمايمىز سالساڭ دا تۇك.
بەرمەستەن ءتورت جىل بويى ازاماتتىق،
قويعانىڭ جارامايدى جاۋتاڭداتىپ!

ەل بولىپ دەگەنگە ەرتە بۇتىندەلدىك،
وكپە جوق بولماسا دا كۇتىم دەرلىك.
العالى كەلگەمىز جوق ءبىز ەشتەڭە،

بۇگىن پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سەنات ەنگىزگەن تۇزەتۋلەردى تالقىلادى.

وسى ارادا ايتا كەتەرلىك ۇلكەن ماسەلە، اتالعان زاڭ جوباسىندا ەتنيكالىق قانداستارىمىزدىڭ قازاقستان رەسپۋبليكاسىنىڭ ازاماتتىعىن الۋ ءۇشىن ەلىمىزدە مىندەتتى تۇردە بەس جىل تۇرۋ مەرزىمى بەلگىلەنگەن بولاتىن. قوعامدا ءتۇرلى پىكىرلەر تۋدىرعان بۇل مەرزىمدى سەنات ءتورت جىلعا ءتۇسىرىپتى.

ءماجىلىس سەنات ۇسىنعان تۇزەتۋلەرگە كەلىسىمىن بەرىپ، جوباعا «جول بولسىن» ايتىپ، ماقۇلداپ جىبەردى. سونىمەن، تاعى دا كوشى-قون ماسەلەسى كۇن تارتىبىنە شىقتى. قاداپ ايتارىمىز: جوبا زاڭ رەتىندە قابىلدانىپ، ەلباسى وعان قول قويىپ، پارمەن ەتسە، سىرتتان كوشىپ كەلىپ جاتقان اعايىندارىمىز ءتورت جىلعا دەيىن تاۋەلسىز قازاقستان رەسپۋبليكاسىنىڭ ازاماتتىعىنا يە بولا المايدى.

Abai.kz

سوڭعى تىلەك

قازاقستان رەسپۋبليكاسىنىڭ
تۇڭعىش پرەزيدەنتى
نۇرسۇلتان ابىشۇلى نازارباەۆقا

ءسىز ءبىزدى بالاماڭىز وسال ەرگە،
تۇلپارىن تۋعان حالقىم توسادى وردە.
قازاقتى ەل دەپ كەلگەن، ءسىز دەپ كەلگەن،
قايداعى كەلىمسەككە قوسا كورمە!

تاۋەلسىز ەلدە اتاتىن ءار تاڭ باقىت،
قيىنعا قىسىلمايمىز سالساڭ دا تۇك.
بەرمەستەن ءتورت جىل بويى ازاماتتىق،
قويعانىڭ جارامايدى جاۋتاڭداتىپ!

ەل بولىپ دەگەنگە ەرتە بۇتىندەلدىك،
وكپە جوق بولماسا دا كۇتىم دەرلىك.
العالى كەلگەمىز جوق ءبىز ەشتەڭە،
كەلسەك تەك تاۋەلسىزدىك ءۇشىن كەلدىك.

ەلىنەن قالماسىن دەپ بالام شەتتەپ،
جەتەدى ەل قولدا بارمەن ارەڭ سەپتەپ.
مەككەسى قازاقستان شەتتەگى ەلدىڭ،
ويلايدى ءبىر كىرپىش بوپ قالانساق دەپ.

ايتا الماي قالامىز با ءان سەكەڭدەپ،
ەش كەتىپ ەتكەن ەڭبەك سونشا تەرلەپ؟!
قۇدايدان تىلەيدى قارت كۇندە ءۇش ۋاق،
سۇيەگىم سول «مەككەدە» قالسا ەكەن دەپ.

ايالاپ اتاجۇرتتىڭ نۇرلى ەسىمىن،
اناداي تەربەپ كەلەم جىر بەسىگىن.
الىستان الابۇرتىپ كەلگەم مەن دە،
ونەردىڭ تولتىرام دەپ ءبىر كەتىگىن...

كوبەيدى دىڭعىرىڭ دا، تىقىرىڭ دا،
اينالدى شەتكە، مىنە، ىسىرۋعا.
وتاندى قورعاۋ مىندەت بۇلجىمايتىن،
كەرەك قوي كوشەڭدى دە ەل سىپىرۋعا.

بىلمەيتىن تۋدى زامان سىرىن ۇعىپ،
جاتپايتىن جەندەت جاسىپ، ۇرى بۇعىپ.
تاعدىرى بەس ميلليون قازاعىڭنىڭ،
انەۋ ءبىر جالعىز باپقا تۇر ءىلىنىپ.

ارامىز شەتتەگى ەلمەن اندىزداپتى،
جۇرەكتى سول اندىزداۋ سان مۇزداتتى.
نۇرەكە، قۇداي ءۇشىن قيشى بىزگە،
وسىناۋ قاسيەتتى جالعىز باپتى!!!

شەتتەگى بەس ميلليون
قانداسىڭىزدىڭ اتىنان
اۋىت مۇقيبەك

13.10.2013 جىل
تۇنگى 01:01
استانا