سقو توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا، سولتۇستىك قازاقستان وبلىسىندا سۋ باسقان اۆتوموبيل جولدارىنىڭ سانى 15-كە جەتتى. بۇل تۋرالى Abai.kz حابارلايدى.

تاڭەرتەڭگى ساعات 9.00-دەگى جاعداي بويىنشا وبلىستىق ماڭىزى بار ەكى، اۋداندىق ماڭىزى بار 13 جول ۋچاسكەسىن سۋ باسىپ، قازىرگى ۋاقىتتا ارنايى بەلگىلەر قويىلدى. جەرگىلىكتى اتقارۋشى ورگاندار جانە پوليتسيا قىزمەتكەرلەرى كەزەكشىلىك اتقارىپ جاتىر.

تۇرعىن ۇيلەرگە سۋ كىرمەۋى ءۇشىن كوشەلەر مەن اۋلالاردان 34 مىڭ تەكشە مەتردەن استام سۋ سورىلىپ، 3 مىڭ 600 م ارىق تازارتىلىپ، سۋ جولىنا 3 مىڭنان استام قۇم تولتىرىلعان قاپ قويىلدى.

تايىنشا، تيميريازەۆ، ع.مۇسىرەپوۆ، ءۋاليحانوۆ جانە ايىرتاۋ اۋداندارىندا ءوڭىردىڭ جانە تۇركىستان وبلىسىنىڭ توتەنشە جاعدايلار دەپارتامەنتىنىڭ توپتىق بولىمشەلەرى - 114 ادام جۇمىس ىستەپ جاتىر، ولار قاجەتتى تەحنيكامەن، موتوپومپالارمەن قامتىلعان.

Abai.kz