قازاق-قىرعىز ءبىر تۋعان دەمەك، كورشىلەس ەل قىرعىزستان قازاقستانعا ءوزىنىڭ وتاندىق ونىمدەرىن بەرمەك. ماقساتى، ەلدەگى سۋ باسىپ جاتقان ايماقتاعى  حالىققا كومەكتەسۋ.

مينيسترلەر كابينەتىنىڭ توراعاسى اكىلبەك جاپاروۆتىڭ مالىمدەۋىنشە، قىرعىزستان پرەزيدەنتىنىڭ تاپسىرماسىمەن بىشكەك قازاقستانعا گۋمانيتارلىق كومەك جىبەرۋدى جوسپارلاپ وتىر.

ونىڭ ايتۋىنشا، قازاقستان بىشكەك قالاسىنداعى جىلۋ-ەلەكتر ورتالىعىندا بولعان اپاتتان كەيىن كومەك قولىن سوزعان.

"ولار (قازاقستان – اۆتور) كومەك سۇراماسا دا، ءبىز گۋمانيتارلىق كومەك جونەلتەمىز. بۇل رەتتە مەن وزبەكستان، تۇركىمەنستان جانە قازاقستانعا العىس بىلدىرەمىن. بۇل ەلدەر ءبىز كومەك سۇراماعان كەزدە دە بىزگە قول ۇشىن سوزىپ، جاردەمگە كەلدى", – دەپ اتاپ ءوتتى اكىلبەك جاپاروۆ. 

Abai.kz