پروكۋراتۋرانىڭ ءباسپاسوز قىزمەتىنىڭ حابارلاۋىنشا، جامبىل وبلىسىندا جاسالماعان جۇمىس ءۇشىن بيۋدجەتتەن 75 ملن تەڭگە قاراجات تولەنۋ دەرەگىن انىقتالعان.

«تاراز قالاسىنىڭ پروكۋراتۋراسى بيۋدجەت قاراجاتىنىڭ جۇمسالۋى زاڭدىلىعىنا جۇرگىزگەن تەكسەرۋدىڭ ناتيجەcىندە تاراز قالاسى اكىمدىگىنىڭ تۇرعىن-ءۇي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى بولىمىمەن ازىرلەنبەگەن 4 سمەتالىق قۇجاتتاما ءۇشىن 75 ملن تەڭگەنى نەگىزسىز مەردىگەرگە اۋدارعانىن انىقتادى»،- دەلىنگەن حابارلامادا.

اتالعان دەرەك بويىنشا قك-ءنىڭ 189-بابى 4-بولىگىنىڭ 2-تارماعىمەن (سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان تاراجعا سالۋ) قىلمىستىق ءىس تىركەلدى.
تەرگەپ-تەكسەرۋدى جۇرگىزۋ سىبايلاس جەمقورلىققا قارسى ءىس قيمىل اگەنتتىگىنىڭ جامبىل وبلىسى بويىنشا دەپارتامەنتىنە تاپسىرىلدى.

Abai.kz