قر قما ءباسپاسوز قىزمەتىنىڭ حابارلاۋىنشا، "قورعاس" شىحو اۋماعىنىڭ قازاقستان جاعىندا 6 زاڭسىز ويىن بيزنەسىن جانە ءبىر جەزوكشەلەر وشاعى انىقتالدى.

زاڭسىز ارەكەتتەردى قحر ازاماتتارى ۇيىمداستىرعان. تەكسەرۋ كەزىندە، استىرتىن ويىن مەكەمەلەرى قىتاي ازاماتتارى ءۇشىن عانا جۇمىس ىستەگەنى انىقتالدى.

ء"تىنتۋ ناتيجەسىندە 4 كوممەرتسيالىق عيماراتتا 76 ويىن اۆتوماتى، 43 ويىن ۇستەلى، قۇمار ويىندارىن ۇيىمداستىرۋعا قاجەتتى كوپتەگەن تەحنيكالىق قۇرال-جابدىق، سونداي-اق، 60 مىڭ يۋاننان استام اقشالاي قاراجات تابىلىپ تاركىلەندى. سوتقا دەيىنگى تەرگەۋ جالعاسىپ جاتىر. قر قپك 201-بابىنا سايكەس، تەرگەۋ مۇددەسىندەگى وزگە دە مالىمەتتەر تاراتىلۋعا جاتپايدى", – دەلىنگەن حابارلامادا.

قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.

Abai.kz