مەن ءبىر-اق نارسەنى ۇقپاي دالمىن.

نەشە كۇن بويى وسى ساۋالدار سانامنان كەتپەيدى.

جۇمىس بابىمەن ەۆاكۋاتسيالىق پۋنكتەردە ءجيى بولامىن. بارعان سايىن ءار اداممەن سويلەسىپ، جان-دۇنيەسىنە ۇڭىلگىم كەلەدى.

پۋنكتەردە جاعداي بىركەلكى. جاتىن ورىن، تاماق ءبارى ۇيىمداستىرىلعان. ارينە ءوز ۇيىڭە جەتەرى جوق.

بىراق ادامداردىڭ ءىس-ارەكەتتەرى....

بولعان جاعدايدان شوك العان دەيىن دەسەڭ تەرەكتىدە وسىدان ءبىر اپتاداعىداي دۇربەلەڭ جوق. الايدا ەۆاپۋنكتەردەگى ادامداردا ءبىر-بىرىنە دەگەن جاناشىرلىق جوقتىڭ قاسى.

ءبىر ادام جاستىق تابا الماي سەندەلىپ ءجۇر.

ءبىر اعام ءتورت(!) جاستىق سالىپ العان باسىنا.

ءبىر اپايعا كورپەسىنە تىس كەرەك.

ءبىر اپاي قوس-قوستان الىپ، قالعانىن ۇيىمە اكەتەم دەيدى.

ءبىر تۇرعىن بەرىلگەن شاي مەن مايعا "شۇكىر" دەيدى.

مىڭ ادام "بىزگە بانان مەن الما بەرىڭدەر" دەپ ايقاي سالىپ ءجۇر.

قىرقىسقان، تارتىسقان ادامدار.

"سەن تيمەسەڭ، مەن تيمە" دەپ قىرىن قاراپ جاتقان قارتتار.

بايقاعانىم، ء"تايت" دەيتىن اقساقال قالماي بارادى. مۇمكىن وسى ءسوزىم ءۇشىن مەنى سوگەسىزدەر. قازىر سوگۋ ترەندتە عوي...

بۇرىن ءبىر اقساقال ء"تايت، جامان ىرىم باستاماڭدار" دەگەن ءبىر اۋىز سوزىمەن ءبىر ەلدى جونگە سالىپ، مىڭداعان وتباسىنى اجىراسۋ مەن جۇزدەگەن اعايىندى بەتجىرتىسۋدان ساقتاپ قالعان ەدى عوي.

سول زامان كەلمەسكە كەتتى مە؟

بۇل ءوزى قاي زامان؟!

الدە بۇل نيەتتەن بە؟

مۇمكىن بۇل زالال ءبىزدىڭ نيەتىمىزگە بايلانىستى بەرىلىپ جاتىر دەپ ويلامايسىزدار ما؟!

ءادىل ورىنباساروۆ

Abai.kz