ادام - تابيعاتتىڭ ءتول پەرزەنتى. حالقىمىز كوكتەم كەلىسىمەن اۋلاسىن تازالاپ، ءۇيىنىڭ اينالاسىنا گۇل، جاسىل جەلەكتەر ەگىپ، سۋ اعاتىن ارىعى، كانالداردىڭ كوزىن اشقان.

مەملەكەت باسشىسىنىڭ تاپسىرماسىمەن رەسپۋبليكا بويىنشا «تازا قازاقستان» ەكولوگيالىق اكتسياسى بەس اپتاعا سوزىلادى. ءار اپتانىڭ وزىندىك تاقىرىبى مەن ناقتى ماقساتى بولماق.

«تازا ولكە». ءبىرىنشى اپتادا ەلدى مەكەندەردىڭ تۇرعىندارى، قوعام قايراتكەرلەرى، ۇيىمداردىڭ قىزمەتكەرلەرى ءوز اۋماعىنداعى اۋلالاردى تازالايدى.

* «كيەلى مەكەن». ەكىنشى اپتا تاريحي-مادەني ەسكەرتكىشتەردىڭ اۋماعىن اباتتاندىرۋعا ارنالادى.
* «جاسىل ايماق». ءۇشىنشى اپتادا كوشەت وتىرعىزۋ، اعاشتاردى اكتەۋ جۇمىستارى جۇرگىزىلەدى.
* «ونەگەلى ۇرپاق». اكتسيانىڭ ءتورتىنشى اپتاسىندا ارداگەرلەردىڭ اۋلالارى مەن قارتتار ءۇيىنىڭ اۋماعىن تازالاۋ، اباتتاندىرۋ كوزدەلەدى.
* «ءمولدىر بۇلاق». اكتسيانىڭ قورىتىندى، بەسىنشى اپتاسىندا وزەندەر مەن كولدەر قوقىستان تازارتىلادى.

اكتسياعا بايزاق اۋدانىنىڭ جۇرتشىلىعى دا ءوز ۇلەستەرىن قوسىپ، تازالىق جۇمىستارىنا بەلسەنە كىرىستى.

بۇگىن بايزاق اۋدانىنىڭ ورتالىعىنداعى دەندروساياباق اۋماعىندا ۆولونتەرلاردىڭ قاتىسۋىمەن تازالىق جۇمىستارىن جۇرگىزۋ، ساندىك كوشەتتەردى وتىرعىزۋ شاراسى ۇيىمداستىرىلدى.

ءىس-شارانىڭ ماقساتى – اۋدان تۇرعىندارى اراسىندا قوعامدىق مادەنيەت دەڭگەيىن ارتتىرۋ ارقىلى رەسپۋبليكالىق دەڭگەيدەگى اكتسياعا قولداۋ كورسەتۋ بولىپ تابىلادى.

ءىس-شاراعا 200-گە جۋىق ۆولونتەر جۇمىلدىرىلدى. 100-دەن استام ساندىك اعاشتارى ەگىلىپ، ساياباقتىڭ ءىشى تازارتىلدى. 1 كم-گە جۋىق كانالدار مەن ارىقتار تازالانىپ، 5 تونناعا جۋىق قوقىس شىعارىلدى.

Abai.kz