پرەزيدەنت قاسىم-جومارت توقاەۆ ارمەنيا مەن ازەربايجان اراسىنداعى قاتىناستى تەزىرەك رەتتەۋگە شاقىردى. بۇل تۋرالى اقوردا حابارلادى. 

ەرەۆاندا وتكەن كەلىسسوزدەر بارىسىندا قازاقستان پرەزيدەنتى قاسىم-جومارت توقاەۆ پەن ارمەنيا پرەمەر-ءمينيسترى نيكول پاشينيان وڭتۇستىك كاۆكازدا تۇراقتىلىق پەن قاۋىپسىزدىكتى قامتاماسىز ەتۋ ماسەلەسىنە ايرىقشا نازار اۋداردى.

مەملەكەت باسشىسى ارمەنيا مەن ازەربايجاننىڭ بەيبىت كەلىسىم جاساۋ جونىندەگى قادامدارىن جوعارى باعالادى. وسى ورايدا قازاقستان پرەزيدەنتى ەرەۆان مەن باكۋ اراسىندا تەزىرەك بەرىك ءارى ۇزاقمەرزىمدى بەيبىتشىلىك ورناعانى ماڭىزدى دەپ اتاپ ءوتتى. سونداي-اق كەلىسسوزدەر ءۇشىن قازاقستان ءوز الاڭىن ۇسىنۋعا دايىن ەكەنىن مالىمدەدى.

بەيبىتشىلىك پەن كەلىسىمگە ناقتى كەلىسسوزدەر ارقىلى قول جەتكىزۋدى جاقتايتىن قازاقستاننىڭ بۇل باعىتتاعى بارلىق ءىس-ارەكەتتى قولداۋعا ءازىر ەكەنى ايتىلدى. تاراپتار ارمەنيا مەن ازەربايجان اراسىنداعى ۋاعدالاستىقتاردى ناقتى جۇزەگە اسىرۋ مۇمكىندىكتەرىن قاراستىرۋعا كەلىستى.

Abai.kz