مۇراجاي – ءار ەلدىڭ تاريحىن، سالت ء–داستۇرىن،مادەنيەتىن تانىتاتىن قۇندىلىق.مۇراجاي بىرنەشە توپقا بولىنەدى: تاريحي مۇراجاي، كوركەمونەر مۇراجايى، جاراتىلىستانۋ مۇراجايى، تەحنيكالىق مۇراجاي، كەشەندى مۇراجاي، مەموريالدىق مۇراجاي.

تاريحقا تولى قارا شاڭىراق  ال-فارابي اتىنداعى قازاق ۇلتتىق ۋنيۆەرسيتەتى دە  ءوز مۇراجايىن اشقان بولاتىن.مۇراجايمەن تانىستىرۋ ماقساتىندا زاڭ فاكۋلتەتىنىڭ كەدەن قارجى جانە ەكولوگيالىق قۇقىق كافەدراسى تۇراقتى دامۋ ماقساتتارىنىڭ 11-ماقساتى «تۇراقتى قالالار مەن ەلدى مەكەندەر» جانە «90 جىل-90 ءىس-شارا» مەرەيتوي شەڭبەرىندە  ءبىلىم الۋشىلارمەن بارىپ قايتتىق.مۋزەي قايتا جوندەۋدەن كەيىن 2013 جىلدىڭ 13 ءساۋىر كۇنى ۋنيۆەرسيتەتىمىزدىڭ عىلىمي كىتاپحاناسىمەن بىرگە سالتاناتتى تۇردە اشىلعان ەدى.مۋزەي تاريح گالەرەياسى، داڭق زالى، ۋنيۆەرسيتەتتىڭ تۇراقتى دامۋى اتتى 3 زالىندا ۋنيۆەرسيتەتتىڭ قۇرىلۋ تاريحى 120 ۆيترينالاردا جۇيەلى جيناقتالىپ، 5 مىڭنان استام تاريحي قۇندى جانە سيرەك كەزدەسەتىن قۇجاتتار مۇراجاي ەكسپوناتتارى ار­قىلى كورسەتىلگەن. مۋزەيدىڭ نەگىزگى مازمۇندىق قۇرىلىمى – ديورامدىق كەشەندەرى مەن جايماسورەلەرى تاقىرىپتىق ەكسپوزيتسيالارعا بولىنگەن. ولار: «كونە وتىرار – ەستەلىكتەر قازىناسى. ءال-ءفارابيدىڭ جاستىق شاعى»; «ۇلى جىبەك جولى بويىمەن»; «ءال-فارابي. شىعىس پەن باتىس سۇحباتى»; «ءال-فارابي ەڭبەكتەرى – ادامزاتتىڭ اسىل قازىناسى. ءال-فارابي جانە تۇركى الەمىنىڭ ويشىلدارى»; «ءال-ءفارابيدىڭ رۋحاني مۇراسى جانە قازىرگى قازاقستان» سىندى مۇرالار ساقتالعان. مۇراجاي قورىندا - 12000 ارتىق قۇندى دەرەكتەر جينالعان، ولاردىڭ ىشىندە 9800 - فوتوقۇجات، 30 - قولجازبا، 155 - سىيلىق، سۋۆەنير، پورترەت جانە كارتينالار، 1250 - كىتاپ، اقپاراتتىق باسىلىمدار مەن تاعى دا باسقا قۇندى مۇراجاي زاتتارى بار.مۇراجايعا ەكسكۋرسيا بارىسىندا ۋنيۆەرسيتەتتىڭ قالىپتاسۋى مەن دامۋىنداعى نەگىزگى كەزەڭدەر، ءبىلىم بەرۋ جۇيەسىنىڭ جەتىلگەندىگى، حالىقارالىق بايلانىستاردىڭ نىعايعاندىعى، ستۋدەنتتەردىڭ قىزىقتى كەزدەرى، جالپى ۋنيۆەرسيتەتتىك كافەدرالار مەن كىتاپحانالاردىڭ  قازىرگى زامانعا ساي يننوۆاتسيالىق وسۋىمەن تانىسۋعا بولادى. قازۇۋ مۇراجايى قالا مادەنيەتىنىڭ عانا ەمەس، بۇكىل قازاقستان بويىنشا ماڭىزدى نىسان دەپ ويلايمىن. ءال-فارابي اتىنداعى قازۇۋ  مۇراجايى - ۋنيۆەرسيتەتتىڭ مادەني ءداستۇرى مەن باي تاريحي مۇراسىن ساقتاۋشى جانە رۋحاني - يدەولوگيالىق تاربيە بەرۋ ورتالىعى. بۇل ورتالىق - ۇلتتىق مادەني-تاريحي نۇسقالاردى جيناقتاپ، ساقتاپ، ناسيحاتتاپ قانا قويماي، جالپى ادامزاتقا ءتان ۇزدىك ۇلتتىق قۇندىلىقتار مەن داستۇردە تاربيەلەنگەن، وتانىن سۇيەتىن، ءوز بولاشاعىن مەملەكەت بولاشاعىمەن بايلانىستىرۋعا ۇمتىلاتىن، ەل كەلەشەگىن جالعاستىرۋشى، باسەكەگە قابىلەتتى جاس مامانداردى تاربيەلەۋ مىندەتىن دە اتقارادى. مۇراجاي - ەلىمىزدىڭ ەڭ ءىرى ءبىلىم ورداسىنىڭ بەت بەينەسى، ءيميدجى، تاريحي قورى جانە كورپوراتيۆتى مادەنيەتىنىڭ باستى كورسەتكىشى.

ابدىكادىر ۋلان،

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ وقىتۋشىسى.

Abai.kz