مەملەكەت باسشىسى سولتۇستىك قازاقستان وبلىسىنىڭ سۋ باسقان اۋماقتارىن تىكۇشاقپەن ارالادى، دەپ حابارلايدى Abai.kz.

«پرەزيدەنت قاسىم-جومارت توقاەۆتىڭ سولتۇستىك قازاقستان وبلىسىنا جۇمىس ساپارى قىزىلجار اۋدانىن، پەتروپاۆل قالاسىنىڭ توڭىرەگىن جانە سەرگەەۆكا سۋ قويماسىن تىكۇشاقپەن ارالاپ كورۋدەن باستالدى. سۋ تاسقىنىنا قارسى شارالارعا 5270 ادام جانە 906 تەحنيكا جۇمىلدىرىلعان. حالىقتىڭ تۇرمىس-تىرشىلىگىنە قاجەتتى ينفراقۇرىلىمداردى قالپىنا كەلتىرۋ جۇمىستارى جۇرگىزىلىپ جاتىر. تابيعي اپاتتان زارداپ شەككەن ازاماتتاردىڭ ماتەريالدىق شىعىندارىن ەسەپتەۋ جانە وتەۋ جونىندە كوميسسيا قۇرىلعان»،- دەپ حابارلادى اقوردانىڭ ءباسپاسوز قىزمەتى.

وبلىس اكىمى عاۋەز نۇرمۇحامبەتوۆتىڭ ايتۋىنشا، التى اۋداندا توتەنشە جاعداي جاريالانعان. قازىرگى تاڭدا 2 مىڭنان استام تۇرعىن ءۇيدى سۋ باسقان، 10345 ادام ەۆاكۋاتسيالانعان.

Abai.kz