بۇگىن مەدەۋ اۋدانىنداعى قار جيناعىشتاردا 4000 تەكشە مەتر قار كوشكىنى ءتۇستى. بۇل تۋرالى توتەنشە جاعدايلار مينيسترلىگى حابارلادى. ابىروي بولعاندا ادام شىعىنى جوق.

«قازگيدرومەت سينوپتيكتەرىنەن قاتتى جاۋىن-شاشىننىڭ تۇسۋىنە، ۇلكەن جانە كىشى الماتى وزەندەرىنىڭ باسسەيندەرىندەگى قار جامىلعىسىنىڭ تۇراقسىز جاعدايىنا بايلانىستى كوشكىن قاۋپى ساقتالاتىنى تۋرالى داۋىلدى ەسكەرتۋ ءتۇستى»، – دەپ جازىلعان حابارلامادا.

ەستەرىڭىزدە بولسا 15-17 ءساۋىر ارالىعىنداعى جاڭبىر سۋىنان سۋ تاسقىنى كۇتىلەتىندىگىن حابارلاپ، قالا بويىنشا دايىندىقتىڭ باستالعانىن حابارلاعان بولاتىنبىز.

تجم ازاماتتاردان تاۋلى جەرلەرگە بارۋدى شەكتەۋدى سۇرايدى.

Abai.kz