قر پرەمەر-ءمينيسترىنىڭ ورىنباسارى ق.بوزىمباەۆقا
«اق جول» فراكتسياسىنىڭ دەپۋتاتتىق ساۋالى

اۆتور – ءماجىلىس دەپۋتاتى ەرجان بەيسەنباەۆ

ەلىمىزدىڭ ون شاقتى ايماقتارىندا، سۋ تاسقىنى جاعدايى كۇردەلى سيپات الىپ وتىر. ءار ساعات سايىن، ازاماتتىق قورعاۋ قىزمەتتەرى مىڭداعان ادامدى قاۋىپسىزدىك جەرگە اپارعاندىعى، قانداي كولەمدە بوگەت قۇرىلعاندىعى جونىندە اقپارات جاڭارتىلۋدا. رەسمي مالىمەتتەردە نەگىزىنەن ورال، اتىراۋ، پەتروپاۆل، كۇلسارى سياقتى ءىرى ەلدى مەكەندەردىڭ اتاۋلارى كەزدەسەدى.

ءىرى ەلدى مەكەندەرگە حالىق پەن مەملەكەت تاراپىنان بولىنگەن كومەك جەتكىزىلىپ جاتىر. ول تۋرالى مەملەكەتتىك ورگاندار راپورتتار جاساۋدا. ال، شالعاي ورنالاسقان شاعىن اۋىلداردا قانداي كومەك كورسەتىلىپ جاتقاندىعى، ءتىپتى ولاردىڭ سانى نەمەسە قانشا ادام سۋ قورشاۋىندا قالعاندىعى جونىندە اقپارات جوقتىڭ قاسى.

ءتۇرلى ايماقتاردا سۋ تاسقىنى 2-3 اپتا بۇرىن باستالعانىڭ ەسكەرە وتىرساق، وسىنشاما ۋاقىت سۋ، تاماق، مەديتسينالىق كومەكسىز قالۋ شىنىندا وتە اۋىر جاعداي.

ءىرى قالالاردى قۇتقارىپ، جەرگىلىكتى بيلىك شالعاي ەلدى مەكەندەردى ۇمىتقان جوق پا؟

وتەتىن جولى جوق اۋىلداردىڭ جاعدايى تۋرالى، ونىڭ ىشىندە ەلەكتروقۋاتسىز، بايلانىسسىز قالعان ەلدى مەكەندەردى ازىق-تۇلىك، اۋىز سۋ، مەديتسينالىق كومەگىمەن، اۋىلشارۋاشىلىق جانۋارلارىن جەممەن قامتۋ سياقتى ماسەلەلەر بويىنشا حابار تاپشى ەكەن.

سول ءۇشىن الەۋمەتتىك جەلىلەردە كەيبىر اۋىلدارعا ەرىكتىلەر جيناعان كومەك جەتكىزۋگە مۇمكىندىگى جوق دەگەن اقپارات تاراتىلۋدا. جولسىز قالعان جاقىن ەلدىمەكەندەرگە جەتۋ ءۇشىن موتورلى قايىقتارى جەتىسپەيدى، الىستاعى اۋىلدارعا كومەگىن تەگىن اپاراتىن ۆەرتولەتتار تابىلماي جاتىر دەگەن.

مۇنداي دابىل بىرنەشە ناقتى اۋىلدار جونىندە ايتىلعان بولاتىن. ءيا، ءبىرازدان كەيىن بۇنداي پوستتار دالەلدەمەگەن بوپ شىعىپ تۇر، الايدا جۇيەلى دەڭگەيدە بۇل پروبلەما راسىندا وتكىر بولۋى مۇمكىن. ال، ءتيىستى اقپارات جەتىسپەگەننەن كەيىن، ول حالىقتى الاڭداتىپ، ءتۇرلى وسەك تۇعىزۋى ىقتيمال. جوعارىدا اتالىپ وتىرعان ماسەلەگە ۋاكىلەتتى ورگانداردىڭ نازارىن اۋدارۋ قاجەت دەپ ەسەپتەيمىز.

وسىعان بايلانىستى، «اق جول» قدپ فراكتسياسىنىڭ دەپۋتاتتارى قوعام الدىندا كەلەسى مالىمەتتەردى ۇسىنۋدى سۇرايدى:

1. سۋ تاسقىنى سالدارىنان قانشا ەلدى مەكەن قورشاۋدا قالىپ وتىر، ءاربىر وبلىس بويىنشا ناقتى سانى قانەشا ەكەن؟

2. سول اۋىلداردا قانشا ادام مەكەندەيدى؟

3. الىستا ورنالاسقان، قايىقپەن جەتپەيتىن اۋىلدارعا كومەك قالاي جەتكىزىلىپ جاتىر؟

4. بۇنداي ماقساتقا قىمبات تىكۇشاقتارنىڭ ورنىنا تاسىمالداۋشى دروندارىن قولدانۋى قاراستىرلىعان با؟

5. ونداي مۇمكىندىك بولماسا، وسىنداي اۋىلدارعا ارنايى جاردەم بريگادالارمەن ەرىكتىلەردى جىبەرۋ قاراستىرىلدى ما؟

قۇرمەتپەن، «اق جول» فراكتسياسىنىڭ دەپۋتاتتارى ە.بەيسەنباەۆ ا.پەرۋاشەۆ د.ەسپاەۆا ق.يسا ە.بارلىباەۆ ا.سادىقوۆ

Abai.kz