ەلوردالىق سوت جۇبايى بيشىمباەۆتىڭ ءىسى بويىنشا القابيلەر مۇشەلەرىنىڭ سۋرەتتەرىن تاراتۋعا قاتىستى تەرگەۋدى اياقتادى.

ەستەرىڭىزدە بولسا، تەلەارنالاردىڭ بىرىندە القابيلەر انىق كورىنەتىن كادرلار ەفيرگە شىققانى حابارلانعان بولاتىن. سوت مۇنداي فاكتىلەردىڭ الدىن الۋ ءۇشىن قورىتىندى شىققانشا باق وكىلدەرىن سوت زالىنان شىعارعان بولاتىن.

"تەكسەرۋ بارىسىندا القابيلەردىڭ سۋرەتتەرى مەن بەينەجازبالارىن باق پەن الەۋمەتتىك جەلىلەردە كتك ارناسىنىڭ وكىلدەرى تاراتقانى انىقتالدى، ولار بۇعان دەيىن اكىمشىلىك جاۋاپكەرشىلىككە تارتىلعان. ولارعا ەسكەرتۋ تۇرىندەگى اكىمشىلىك جازا قولدانىلدى. وسىعان وراي، باق وكىلدەرىن سوت زالىنا كىرگىزۋ مۇمكىندىگى تۋرالى پىكىرىڭىزدى ءبىلدىرۋىڭىزدى سۇرايمىن", – دەدى سۋديا ايجان قۇلباەۆا.

سۋديا باق وكىلدەرىنىڭ سوت زالىندا بولۋىنا رۇقسات بەرىپ، 10 مينۋتتىق ءۇزىلىس جاريالادى.

Abai.kz