ەلىمىزدىڭ قارۋلى كۇشتەرىنىڭ اسكەري قىزمەتشىلەرى سۋ تاسقىنىنا قارسى ءىس-شارالارعا كومەك كورسەتۋدى ۇزدىكسىز جۇرگىزىپ جاتقانى بەلگىلى.

سولاردىڭ قاتارىندا اباي گارنيزونى اسكەري بولىمدەرىنىڭ 200-گە جۋىق اسكەري قىزمەتشىسى باتىس قازاقستان وبلىسى ورال قالاسىنا ارنايى بورتپەن اتتاندى، دەپ حابارلايدى Qaz365.kz.

سۋ تاسقىنىنا قارسى كومەك كورسەتۋگە اتتانعان اسكەري قىزمەتشىلەرگە «شىعىس» وڭىرلىك قولباسشىلىعىنىڭ قولباسشىسى پولكوۆنيك جەڭىس مارالوۆ باعىت بەرىپ، اتالعان شارانىڭ ماڭىزدىلىعىنا توقتالدى.

- وزدەرىڭىز بىلەتىندەي ەلىمىزدىڭ باتىس ايماقتارىندا سۋ تاسقىنىنا قارسى جۇمىستار جۇرگىزىلىپ جاتىر. قارۋلى كۇشتەردىڭ اسكەري قىزمەتشىلەرى دە تاۋلىك بويى جۇمىستار اتقارۋدا. تاسقىننىڭ الدىن الۋ مەن سالدارىن جويۋ شارالارىنا بەلسەنە قاتىسىپ قايتۋلارىڭىزعا تىلەكتەسپىن، - دەدى «شىعىس» وڭىرلىك قولباسشىلىعىنىڭ قولباسشىسى، پولكوۆنيك جەڭىس مارالوۆ.

Abai.kz