2024 جىلدىڭ باسىنان بەرى 4351 قازاق قانداس مارتەبەسىن العان. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.

قانداستاردىڭ جارتىسى قىتايدان كەلگەن. 31,9 پايىزى وزبەكستاننان، 6,4 پايىزى تۇركىمەنستاننان، 5,4 پايىزى موڭعوليادان، 3,7 پايىزى رەسەيدەن، 1,5 پايىزى وزگە دە ەلدەردەن كەلگەن.

مينيسترلىكتىڭ مالىمەتىنە قاراعاندا، قانداستاردىڭ 59,1 پايىزى – ەڭبەككە جارامدى ادامدار، 31,7 پايىزى – كامەلەت جاسىنا جەتپەگەندەر، 9,2 پايىزى – زەينەتكەرلەر. ەڭبەككە قابىلەتتى قانداستاردىڭ 16,9 پايىزىنىڭ جوعارى ءبىلىمى بار، 21,5 پايىزى — ورتا كاسىبي ءبىلىمدى، 55,5 پايىزى — جالپى ورتا ءبىلىمدى، 5,1 پايىزىنىڭ ءبىلىمى جوق.

مينيسترلىكتىڭ اقپاراتىنشا، قانداستار رەسپۋبليكانىڭ ءتۇرلى وڭىرىنە قونىستانعان. ەڭبەك كۇشى تاپشى وڭىرلەر رەتىندە اقمولا، اباي، قوستاناي، پاۆلودار، شىعىس جانە سولتۇستىك قازاقستان وبلىستارى اتالدى. رەسمي ستاتيستيكاعا قاراعاندا، 1991 جىلدان بەرى قازاقستانعا 1 ملن 132,7 مىڭ قازاق ورالعان.

دەرەككوزى: ازاتتىق

Abai.kz